skip to Main Content
ТОП ВЕСТИ
Брима: Македонците пооптимисти во светски рамки за меѓународните политики на САД, Русија, Кина и ЕУ
Спираки: Официјалното име на соседната земја е Северна Македонија, дискусијата за таблите е од мало значење
СДСМ и ДУИ бараат консензуален претседателски кандидат
За олеснување на трговијата и транспортот 26,2 милиони евра од Светска банка
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Сообраќајот по влажни коловози со остатоци од кашест снег

Сообраќајот по влажни коловози со остатоци од кашест снег
  • 10.01.2019

Сообраќајот на државните патишта се одвива во зимски услови по влажни  коловози, со остатоци од кашест снег на коловозот, додека врнежи од снег со променлив интензитет се бележат скоро на целата територија на државата, се наведува во извештајот од 18:00 часот на „Македонија пат“.

Предупредуваат дека поради ниските температури наместа е можна појава на голомразица, а на одредени патни правци кои поминуваат низ клисури и усеци можна е појава на поситни одрони. Од „Македонија пат“ апелираат на внимателно возење и прилагодување на брзината спрема условите на патот.

Забрана за движење на тешки товарни возила има на патните правци крак Маврово – Дебар, Гостивар – Кичево преку планинскиот премин Стража, Кичево – Охрид преку планинскиот премин Пресека, патниот правец Прилеп-Мак.Брод преку планинскиот премин „Барбарос“, како и на патните правци Струга – граничен премин Ќафасан и  Тетово – Попова Шапка,  каде забраната важи и за автобуси, а за останатите возила е задолжително користење зимска опрема (синџири).

Од 15.10 часот на патниот правец Маврово – Дебар, во близина на манастирот Св. Јован Бигорски поради свлечиште сообраќајот е во целосен прекин, а намалена видливост поради појава на магла до 100 метри има на планинскиот превој Стража.

Од ЈП „Македонија пат“ информираат дека дежурните екипи се постојано на терен и ги одржуваат сите патни правци проодни.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top