skip to Main Content

Почина грчкиот фоторепортер Јанис Бехракис добитник на Пулицерова награда за бегалската криза

Почина грчкиот фоторепортер Јанис Бехракис добитник на Пулицерова награда за бегалската криза
  • 03.03.2019

Еден од најпознатите грчки фотографи, Јанис Бехракис, добитник на Пулицерова награда, почина доцна синоќа на 58-годишна возраст по долгата борба со ракот.

Бехракис над 30 години работеше во агенцијата Ројтерс, а зад себе има низа фотографии од војните во Југославија, Чеченија, Сомалија, Авганистан, Либија и Персискиот Залив.

Како фоторепортер ги покриваше најважните настани не само во Грција, туку и во целиот свет. Во 2016 година како лидер на неговиот тим ја доби Пулицеровата награда, за покривањето на бегалската криза, а во неговата кариера беше одликуван и со низа други меѓународни признанија.

Особено карактеристична и позната од изминатите години е неговата фотографија од грчко-македонската граница, во близина на Идомени, моментот кога татко бегалец од Сирија ја држи во раце и ја бакнува неговата ќерка додека се движи по дожд на средина од улицата.

Back To Top