skip to Main Content
ТОП ВЕСТИ
Брима: Македонците пооптимисти во светски рамки за меѓународните политики на САД, Русија, Кина и ЕУ
Спираки: Официјалното име на соседната земја е Северна Македонија, дискусијата за таблите е од мало значење
СДСМ и ДУИ бараат консензуален претседателски кандидат
За олеснување на трговијата и транспортот 26,2 милиони евра од Светска банка
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Дедо Цане Гелевски од кочанско Бурилчево го прослави стотиот роденден

Дедо Цане Гелевски од кочанско Бурилчево го прослави стотиот роденден
  • 08.02.2019

Во одлична здравствена кондиција и во кругот на најблиските од семејството, дедо Цане Гелевски од селото Бурилчево во општина Чешиново-Облешево денеска го прослави стотиот роденден.

Иако во локалната самоуправа немаат официјална евиденција, сепак стогодишниот Гелевски се смета за најстар жител во општината и меѓу најстарите во кочанскиот регион.

– Цел живот се занимавав со сточарство, имав стадо од неколку стотини овци, па дружењето со животните и секојдневниот престој во природа ми беше едно од најголемите задоволства. На лекар не сум бил веќе 40 години и освен потешкотиите со слухот и видот поради годините, за проблеми со здравјето не можам да се пожалам. Иако неколку децении сум без сопругата, сепак задоволен сум што децата и внуците не ме оставаат сам и постојано се грижат за мене, па добив и роденденска торта со подароци, истакна славеникот Гелевски.

Во сеќавањата за минатото стогодишниот старец се потсети на воениот и поствоениот период и скромниот овчарски живот, благодарен што животната судбина му овозможила да има добар брак од кој се родиле три сина. Во моментот живее со еден од нив, а досега има седум внуци и уште седум правнуци.

Дувајќи во свеќата од роденденската торта, дедо Цане од Бурилчево рече дека најголема желба му е луѓето околу себе да ги гледа радосни и среќни, исполнети со верба, љубов и душевен мир, без грижи за материјалната добивка.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top