Град Скопје со опомени „на адреса“ на луѓето од импровизираните живеалишта (Фото)

Импровизирани живеалишта никнуваат во Скопје и на најфреквентните локации. Куќа од душеци и картони е поставена веднаш до НБРМ, а слична таква и пред зградата на Астера. Под Кале, пак, има цела населба од импровизирани куќи.

Комунални инспектори соопштија дека направиле увид на терен и на луѓето што се сместиле во овие импровизирани живеалишта на јавни површини им изрекле опомени. Како што објаснуваат, констатирале нарушувања на комуналниот ред и јавната чистота.

Од Град Скопје се надлежни за чистотата во градот, а особено да спречуваат и да се справуваат со причинителите на загадувањето на воздухот и најавија дека имаат намера да го решаваат ова прашање коешто се провлекува со години.