skip to Main Content

Во полициски контроли низ Полошко приведени 14 странски државјанки

Во полициски контроли низ Полошко приведени 14 странски државјанки
  • 02.08.2019

– Во две контроли кои ги спровела полицијата низ угостителски објекти низ Полошко, откриени се повеќе
женски лица кои работеле како танчерки и пеачки. Според МВР, утрово во гостиварското село Чегране, во угстителски објектсопственост на А.Н.(49) од Чегране, при акциска контрола, биле приведени 11 женски лица од кои седум од Албанија, една од Косово и три од РС Македонија.

Тие биле приведени во Полициската станица Гостивар за натамошна постапка. Во втората акција во тетовско Желино во угостителски објект сопственост на Ј.Ф. (42) полициските службеници привеле три албански државјанки. При фотодокументирање на настанот од крим – техничар од СВР-Тетово, Ш.И.(48) од Желино кој бил гостин во објектот го нарушил јавниот ред и мир, поради што и тој бил приведен.

Во поведената постапка против сите приведени ќе се утврдува нивна инволвираност во можна трговија со луѓе и нелегален престој во земјава. По завршувањето на постапките, странските државјанки ќе бидат предадени на отсекот за прекуграничен криминал, миграции, странци и реадмисија

Back To Top