skip to Main Content
ТОП ВЕСТИ
1ТВ: ММА манипулира дека Основен суд – Скопје 2 и досудил оштета на 1ТВ
Могерини: Северна Македонија и Албанија во јуни треба да ги почнат преговорите со ЕУ
Репортери без граници: Северна Македонија останува на 95-то место според индексот за слобода на медиумите
Неформален состанок на генералните секретари за европски прашања на Грција и Северна Македонија
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Атанасов: АХВ врши редовни контроли и ја информира јавноста

Атанасов: АХВ врши редовни контроли и ја информира јавноста
  • 08.02.2019

Не е пракса на Агенцијата за храна и ветеринарство (АХВ) да објавува што и каде е дистрибуирано се додека тоа не претставува опасност по здравјето на граѓаните, рече денеска директорот Зоран Атанасов, одговорајќи на новинарски прашања во врска со последниот Извештај на Институтот за јавно здравје и утврдените количества тешки метали во некои прехранбени производи.

Атанасов е дециден дека АХВ е законски должна да ја информира јавноста, а и така постапува, само во случај кога ќе утврди евентуално присуство на храна несоодветна во однос на безбедноста и штетна по здравјето на луѓето.

– Дали и во која продавница што е затекнато и досега не беше пракса на Агенцијата за храна и ветеринарство да објавува ако не претставува опасност по здравјето на граѓаните. Во системот има следливост и ако не се повлече целото количество за кое е утврдено дека е несоодветна и штетна по здравјето на луѓето, тогаш сме должни до јавноста да соопштиме дека е присутно такво количество и да наведеме каде се е дистрибуирана, Тоа го предвидува Законот, рече Атанасов на прес-конференција во Владата.

Потенцира и дека АХВ врши редовни контроли.

-Не знам зошто Извештајот од 2017-та е доставен сега, кога сме 2019 година, истакна Атанасов, напоменувајќи дека на ниту една пратка од сомнителните што биле увезни, како јаготките, не и бил дозволен влез и се уништени.

Минатата година, потсети директорот, АХВ на прес-конференција соопшти дека во одредени региони се пронајдени тешки метали во црниот дроб на дивите свињи. Притоа конкретно беа посочени и подрачјата.

-Во соработка со Катедрата за хемија на ПМФ, изработивме посебен дел и Програмата ја насочивме во тие региони, за почесто да земаме мостри за да го видиме присустувото на тие тешки метали, да изградиме карта и да имаме сознанија што се случува, иако во ЕУ тоа е поинаку регулирано, објасни Атанасов, дополнувајќи дека велешкиот регион е познат по кадмиум и олово, а една мостра имало и во регионот на Струмица.

АХВ минатата година доби драстично зголемени средства за здравствена заштита на животните и за безбедност на храната, сума која, рече директорот, е преточена и оваа година.

-Лани имавме затекнати обврски од 100 милиони денари, а оваа година тоа не е случај, имаме само тековни фактури од претходниот месец. Лани воведовме и нови програми, испитување на микробна резистенција и кај добиточна и кај храна за луѓе, како и програма за посебни физичко-хемиски и биолошки опасности во храната. Се испитуваат сите додатоци, адитиви, бои, се што може да е евентуална опасност за здравјето на луѓето, подвлече Атанасов.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top