skip to Main Content
ТОП ВЕСТИ
Орце се жалел, а Заев пријавувал за можниот рекет на бизнисмени?
Далгариан: Мицотакис ќе го блокира Скопје, онолку колку што ќе му дозволат НАТО и ЕУ
СИРИЗА: Среќно враќање во реалноста за Нова демократија
Димитров: Европеизацијата на Северна Македонија ќе биде позитивно и за Грција
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Чавков ја доби највисоката казна од 18 години затвор, Дурловски ослободен – пресуда за „крвавиот четврток“

Чавков ја доби највисоката казна од 18 години затвор, Дурловски ослободен – пресуда за „крвавиот четврток“
  • 15.03.2019

Највисоката затворска казна од 18 години ја доби поранешниот директор на БЈБ Митко Чавков. Полициските службеници пасивно постапувале за собраниските инциденти, образложи судијката Добрила Кацарска во изрекувањето на пресудата. Златната команда, односно Чавков на 27 април единствената команда ја дал во 20.30 часот. Полициските припадници Митко Пешков, Душко Лазаров добија 15 години затвор. Толку време зад решетки според првостепената пресуда треба да биде и разузнавачот Мунир Пепиќ. По 15 години затвор добија и собраниското обезбедување Горан Ѓошевски, Јане Ченто, Влатко Трајковски и Никола Митревски Кољо. Една година помалку, односно 14 години затвор кривичен му одреди на Вилијам Михајловски. 13 години затвор за полицискиот припадник Оливер Поповски. По 12 години казна добија Игор Југ и Горанче Ангеловски. Дека една деценија ќе биде зад решетки слушна полицискиот припадник Оливер Радулов. Под минималната затворска казна, добија Александар Василевски нинџа од 8 години, кој за време на судењето ја откри организацијата за 27 април и собранискиот обезбедувач Абдуљфета Аљими од 7 години затвор, кој помогнал во извлекувањето на пратеникот Зијадин Села.

Кацарска рече дека од снимките презентирани во судот јасно се гледа упадот во собранието. Од сведоштвото на заштитниот сведок е произлезено дека инцидентите биле претходно добро организирани и платени, а главни таргети биле Зоран Заев, Зијадин Села и Дамјан Манчевски.

Со фрлањето на предметите низ законодавниот дом тепањето на пратениците, новинарите, судот цени дека е предизвикано чувство на несигурност и страв кај граѓаните.

Кацарска во пресудата негодуваше – на почетокот од судењето на обвинителна клупа дека имаше 33 обвинети за кривичното дело терористичко загрозување на уставниот поредок и безбедноста, од кои двајца помагачи, а по изгасувањето на законот за амнестија, 15 од обвинети станаа слободни луѓе, иако од снимките се виде дека пратениците Крсто Мукоски и Сашо Василевски ги отворија собраниските порти.

Затворските казни кои ги слушнаа обвинетите за „крвавиот четврток“ нема да стартуваат веднаш, бидејќи осудени се со првостепена одлука имаат право на жалба до апелацискиот суд, а до произнесувањето на Апелација, пресудата не е правосилна. Спеак, издржувањето на затворските казни ќе се важат од денот на притворите коишто им беа определени на обвинетите. Судењето за крвавиот упад во Собранието почна лани на 22 август и траеше точно шест месеци.

Игор Стефановски

Back To Top