skip to Main Content
ТОП ВЕСТИ
Обвинителството го стави под лупа бегството на Груевски
1ТВ ја презеде медиумската лидерска позиција
Европските Зелени го обвинуваат Орбан дека се обидува да предизвика конфликт
Заев: Груевски е кукавица, категорично ги отфрлам сите шпекулации за каков било политички договор со него
Груевски илегално влегол во Албанија, а со пасош излегол на границата со Црна Гора
Иванов одбива каква било инволвираност во врска со донесената судска одлука за Јанакиески
Заев-Борисов: Нашите две земји се пример за новата реалност на Балканот
1ТВ достапна на Тотал ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK

Уапсен градоначалникот на Ново Село и уште четворица други за шверц на цигари

Уапсен градоначалникот на Ново Село и уште четворица други за шверц на цигари
  • 11.07.2018

Во полициска акција, уапсени се градоначалникот на општина Ново Село, Боро Стојчев и членови на неговото семејство. Кутии полни со штеки цигари биле пронајдени во автомобилите кои тие ги управувале.

Биле фатени на дело, а возачот на второто возило се обидел да побегне, но предупредувачките истрели од полицијата го спречиле бегството. Двете возила биле следени од мотор управуван од уште еден осомничен.

„Во близина на с. Баделен општина Ново Село, запрени се две моторни возила натоварени со картонски кутии со цигари. Во едното возило имало 29 кутии со по 50 штеки и една кутија со 49 штеки цигари. Во другото возило биле натоварени 35 штеки цигари, една кутија со 49 штеки цигари и една штека со девет кутии. При преземање на мерки во обид за бегство на второто возило, од страна на полициски службеници биле испукани два предупредувачки куршуми. Извршен е увид во присуство на Јавен обвинител. Лицата се лишени од слобода и задржани во СВР Струмица, а пронајдените кутии со цигари се одземени“.

Од МВР информираат дека и понатаму се преземаат дејствија за целосно расветлување на случајот. Боро Стојчев доаѓа од редовите на СДСМ, а на градоначалничката функција седна во октомври лани. Во неговиот анкетен лист пријавил дека поседува само наследено земјиште и автомобил на лизинг, а целокупниот недвижен имот, три автомобили, како и пчели и крави се на име на неговата сопруга, децата или неговите родители.

Кристина Атовска

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top