skip to Main Content
ТОП ВЕСТИ
ЈО побара продолжување на притворот на Јанева за нови 30 дена
Калајџиев ќе биде предлогот на ВМРО-ДПМНЕ за нов Јавен обвинител?
Алијанса за Албанците: Режимот ВМРО-ДУИ го монтираше, судовите на СДСМ-ДУИ пресудија, бараме меѓународна истрага за „Диво Насеље“
Македонија ги исполни сите услови – на ред е ЕУ

Социјалистот Санчез премиер на Шпанија, десничарот Рахој заминува по корупциски скандал (Видео)

Социјалистот Санчез премиер на Шпанија, десничарот Рахој заминува по корупциски скандал (Видео)
  • 01.06.2018

Социјалистот Педро Санчез застана на чело на шпанската влада откако премиерот во заминување Маријано Рахој го изгуби гласањето на доверба во парламентот по долгото судење за корупција против членови на неговата десничарска влада. Со ова Санчез стана седмиот премиер на Шпанија од враќањето на демократијата и соборувањето на генерал Франко во 70-тите и прв изгласан по импичмент. Рахој го призна поразот и рече дека прв ќе му честита на Санчез.

-Ми беше голема чест да бидам претседател на шпанската влада и да оставам една подобра Шпанија од таа што ја најдов, изјави Рахој.

Санчез го доби гласањето на доверба со 180 гласа за, 169 против и 1 воздржан. Тој рече дека ќе се обиде да владее до предвидениот крај на претседателскиот мандат во 2020, но неизвесно е колку ќе издржи неговата администрација од само 84 социјалисти во 350-членото собрание.

Според аналитичарите, Санчез најверојатно нема да покрене избори додека не завршат европските, локалните и регионалните избори во март наредната година. Тој веќе се обврза дека ќе го почитува буџетот што го донесе владата на Рахој, а расцепканиот парламент значи дека тешко ќе ги спроведува структурните реформи усвоени од неговиот претходник, вклучувајќи ги новите закони за труд и кратењата во здравството и образованието.

Заминувањето на Рахој по 6 години на власт ја фрла во неизвесност шпанската економија која е трета во Еврозоната. Тој го изгуби гласањето на доверба поради корупциски скандали на неговата малцинска влада, но и поделбите што ги предизвика референдумот за независност на Каталонија, поради што ја изгуби поддршката на баскиските националисти. Санчез најави дека ќе почне дијалог со Каталонците, но нема да им дозволи референдум за независност.

Back To Top