skip to Main Content

„Рома Рок Скул“ – музика во Студио 1

„Рома Рок Скул“ – музика во Студио 1
  • 08.11.2018

Идејата за „Рома Рок Скул“ почнува да се разврзува од септември 2017 година, а целта е на многуте талентирани деца да им се најде соодветна средина и нивниот талент да се приближи до секое поле на музиката, вели основачот Неврус Бајрам.

-Фолклорната и народната музика им е повеќе од јасна, па се обидуваме во нивниот животен стил да вметнеме малку поразличен музички свет, објаснува тој и додава дека иако најголем број деца доаѓаат со познавање за удирачките инструменти, застапени се и сите други, иако најтешко е да се најде бас гитара.

Првите проби на „Рома Рок Скул“ се одржуваат во основното училиште „Браќа Рамиз и Хамид“, многу блиску до смислата на гаражен рок бенд. Првичната идеја прераснува во сериозно училиште со свој амблем и идентитет.

-„Рома Рок Скул“ е правец во којшто истовремено ги негуваме рок музиката со фолклорни инфлуенци – кларинетот, тарабуки, малку поразлично свирење на основните инструменти како гитарите, но малку „исшљивувано“ со фолклорен стил. Бараме да донесеме нешто оригинално во светов, нов правец на музика, вели Бајрам и додава дека каде и да настапат, добиваат одлични коментари од публиката.

Целиот разговор погледнете го во видеото.

Back To Top