skip to Main Content
ТОП ВЕСТИ
Денеска во 18 часот седница на ЦО на СДСМ за кадровските промени
Последен ден од изборите во ЕУ, првичните резултати пред полноќ
Од среда започнува пријавувањето за социјална помош во центрите
Торонто влезе во големото НБА финале
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Потребна ли е метла и во администрацијата – разговор со Павловска Данева во Студио 1

Потребна ли е метла и во администрацијата – разговор со Павловска Данева во Студио 1
  • 17.05.2019

Во очекување „да заигра премиерската метла“ најавена за почетокот на јуни, тема во отвореното Студио 1 е – дали покрај кадровската реконструкција, „метлата“ е неопходна и за бројот на функционерските места и кој тип „метла“ е потребен за администрацијата и управата за таа да биде по европски стандарди. Д-р Ана Павловска Данева, професорка на правниот факултет, вели дека од законите што ги потпиша претседателот Пендаровски, Законот за организација и работа на органите на државната управа овозможува формирање и укинување на министерства.

-Законот во државава се менува многу ретко, за жал, се смени два пати во 2010 и 2019, но само во насока на зголемување на бројот на министерства. Последната измена чијшто указ го потпиша Пендаровски значи можност за формирање на новото Министерство за политички систем и односи со заедниците. Апсолутно е непотребно да постои уште едно министерство или ваков вид на министерство. Не претходеа никакви анализи, обично кога формирате каков било орган на државна управа, а особено министерство, претходат сериозни анализи од голема група експерти кои треба да докажат и финансиски и суштински и правно и политички дека има потреба од нов орган на државна управа, вели таа.

Според неа, јасно е дека коалицискиот партнер ДУИ извршил притисок да се направи вакво министерство, но и претходно јавно се зборуваше дека постоел политички договор и меѓу ВМРО-ДПМНЕ и ДУИ.

-Финансиски импликации пишува дека нема, што е апсурдно, секој лаик знае дека ако се формира ново министерство, колку и да се преземаат постоечки службеници, како што кажа вицепремиерот Османи, се разбира дека тие ќе постојат, но тоа го нема во образложението на законот. Измената на законот ја предложија пратениците, а не Владата или МИОА, што говори сѐ уште за сервилен однос на собранието и пратениците кон Владата, но уште поинтересно е тоа што потпишаните пратеници се од сите пратенички групи, и од СДСМ, и од ВМРО-ДПМНЕ, и од ДУИ и независните пратеници кои излегоа од ВМРО-ДПМНЕ, вели Павловска Данева.

Целиот разговор можете да го погледнете во видеото.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top