skip to Main Content
ТОП ВЕСТИ
Грчки воени авиони почнаа да прелетуваат на небото над Македонија за потребите на НАТО мисијата „Air Policing“
Заев: Ќе има политичка криза ако не добиеме датум за преговори
Бродот на мирот со порака за Договорот од Преспа пристигна на атинското пристаниште Пиреа
Китанов: Автопатот Миладиновци-Штип, според проектот, е готов
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Поделени реакции за претседателскиот кандидат на ВМРО – ДПМНЕ

Поделени реакции за претседателскиот кандидат на ВМРО – ДПМНЕ
  • 18.02.2019

Не стивнуваат реакциите по повод изборот на професорката на Правниот факултет на УКИМ Гордана Силјановска-Давкова за претседателски кандидат на опозициската ВМРО-ДПМНЕ.

Освен мнозинството членови делегати на Конгресот во Струга кои ја изгласаа Силјановска-Давкова за свој претседателски кандидат отворена поддршка до сега професорката Силјановска-Давкова доби од Социјалистичка партија во чие соопштение меѓу другото пишува дека изборот на професорката е резултат и на изграденото внатре-партиско единство и сплотеност, како и на коалициското разбирање и взаемно почитување.

Честитики и успешна кандидатура и посака и Петар Богојески од Реформистите на ВМРO-ДПМНЕ кој сепак забележува дека тој не ја памети Силјановска-Давкова како негова сопартијка и од неа бара одговори на неколку прашања меѓу кои дали името  Република Северна Македонија е реалност или не, дали го подржува членството на РСМ во НАТО, дали е начисто со како што вели Богојески “грујовизмот” и дали ги потврдува нејзините ставови од времето на “Студентскиот и професорскиот пленум” и “Шарената револуција”?

На официјалниот фејсбук профил Слијановска-Давкова ја објави честитката за изборот и желби за успех како претседателски кандидат од Дорис Пак претседателка на Унијата на жени на Европските народни партии и претседателка на европскиот комитет за култура и образование.

Владеачката коалиција пак е против кандидатурата на Силјанова-Давкова.

Иронична е реакцијата на Демократската Фракција на ВМРО ДПМНЕ која ја поздравува како што велат тие големата победа на раководството на ДПМНЕ на партиската конвенција и изборот на кандидат за претседател на претстојните претседателски избори.

„Испиленото кукавичко јаце во гнездото на ДПМНЕ и партиските камикази учествувајќи на изборите за претседател на Северна Република Македонија ќе ја остварат историската победа на ДПМНЕ над соработниците на Зоран Заев“, велат од демократската фракција на ВМРО – ДПМНЕ.

За сега Силјановска-Давкова е единственото познато име кое ќе се бори за претседателаката функција на изборите закажани за 21 април годинава.

Искра Опетческа

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top