skip to Main Content
ТОП ВЕСТИ
Алтернатива е новото име на партијата на Африм Гаши – Беса останува на Касами
Могерини: ЕУ ќе го поздрави историскиот успех на Скопје и Атина
Бугарија в среда ќе го ратификува Протоколот за НАТО
Северна Македонија денеска на агендата на министрите за надворешни на ЕУ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

НАТО и реформата на македонските безбедносни и разузнавачки служби – разговор со проф. Дујовски во Студио 1

НАТО и реформата на македонските безбедносни и разузнавачки служби – разговор со проф. Дујовски во Студио 1
  • 11.02.2019

Македонските безбедносни служби во армијата и во цивилниот сектор ги чекаат кадровски потреси по влегувањето на Македонија во НАТО, како што било и со другите членки. Професорот на Факултетот за безбедност Никола Дујовски смета дека во однос на другите делови од општеството, безбедно-разузнавачката заедница, војската и полицијата се чекор понапред, затоа што реформите се спроведуваат повеќе од две децении. Во врска со забелешките на македонски функционери дека во службите има луѓе кои не се за НАТО и за ЕУ, тој вели дека со таквите нема да можеме да се справиме преку ноќ, затоа што се на одговорни позиции, но добро е тоа што голем дел нив веќе заминуваат или се при крајот на своите кариери и може лесно да бидат заменети.

-Предноста на овој долг пат на Македонија кон НАТО е меѓу другото и во ова, ако воопшто можеме да зборуваме за предност, затоа што од другите земји во регионов, најголем дел од нив пристапија во НАТО во 2004 година, една и пол деценија по падот на комунизмот. Бугарија, Романија, Словенија требаше да се справат со можеби повеќе од половина од вработените, објаснува тој и вели дека може и кај нас да се очекува некаков бран на пензионирања, но нема да биде со големо значење и сила.

Тој вели дека барем во првичниот период нема да дојде до спојување меѓу УБК и Агенцијата за разузнавање, но се знае дека Управата излегува од МВР и ќе биде орган на Владата.

-Јас би рекол дека за период од една деценија, овие две агенции ќе работат паралелно. Такво е искуството во добар дел од земјите во регионот. За подобрување на нивната работа ќе има нов орган кој ќе ја подобри координацијата меѓу Управата, Агенцијата и военото разузнавање, вели Дујовски.

За најавениот ветинг во МВР, изјави дека е веќе во напредна фаза и може да се видат контурите, а на него ќе работат надлежни од МВР, но и надворешна група на експерти.

-Ветингот ќе подразбере трипартитни проверки – на персоналното досие на секој од вработените, на неговата имотна состојба и легислативните проверки – на кој начин влегол во МВР, дали има соодветна диплома на работното место, објаснува Дујовски и додава дека истиот процес ќе се применува и во судството и јавното обвинителство.

Целиот разговор можете да го погледнете во видеото.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top