skip to Main Content
ТОП ВЕСТИ
Докос за 1ТВ: Потребна е добра волја за спроведување на Договорот од Преспа
Нацрт законот за ратификација на Договорот од Преспа доставен во грчкиот Парламент
ОЈО го гони за убиство телохранителот на Мијалков
Анѓушев: Економијата ќе биде главен фокус на Владата за годинава
„Фич“ го потврди кредитниот рејтинг ББ со позитивен изглед за Македонија
Бизнисот против избори, бара фокусот да се стави на економската агенда
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Мијалков до Мицкоски: Прочитан си Христијане дека играш двојно

Мијалков до Мицкоски: Прочитан си Христијане дека играш двојно
  • 08.11.2018

Нова преписка меѓу екс шефот на тајната полиција Сашо Мијалков и лидерот на опозицијата Христијан Мицкоски. Мијалков во новото отворено писмо повторно упати низа обвинувања кон претседателот на ВМРО-ДПМНЕ. Мотивот е објавата на „твитер“ на еврокомесарот Јоханес Хан во која тој по средбата со Мицкоски ја поздрави неговата посветеност повеќе да не се опструира процесот во Парламентот. Мијалков го прашува Мицкоски какви се неговите заложби за конструктивност кои му ги ветил на Хан и дали лаже за истите.

– Нели Христијане клечеше, се крстеше и се колнеше во Македонија? Која е сега таа конструктивност која што сега ти стана повредна од Македонија ? Има ли твојата “борба за Македонија” цена и која е таа ? Дали ќе организираш протести и дали во Собранието ќе ги искористиш сите средства за да го блокираш договорот од Преспа, а такви средства имаш многу ? Ти кажав и пак ќе ти кажам, тоа што го правиш не е чесно и не доликува на човек што треба да го води ВМРО. Сакаш да дојдеш на власт ама ти да си патриотот, а другите да се предавници. Сакаш да газиш преку туѓи животи. Кукавички и ниско од некој што треба да води организација како ВМРО. Прочитан си Христијане дека играш двојно со нашето членство и целиот народ. Извини се на членството за двојните игри и лицемерито. Извини се и на граѓаните на Македонија што ги лажеше дека ти ќе си го бранел името до крај, напиша Мијалков.

Во писмото, Мијалков вели дека ниту едно раководство на ВМРО-ДПМНЕ не доживеало ваков срам на меѓународната сцена од сестрински партии дел од ЕПП. Како пример за тоа го посочува фактот што Јоханес Хан и Дорис Пак отворено го критикуваа раководството на партијата. Вината за ова Мијалков секако ја наоѓа во Мицкоски, и како што вели неговото лицемерие, лажен патриотизам и незаинтересираноста за иднината на Македонија.

– Во иста вечер јавно да те бламираат и да ти пишуваат пораки на социјалните мрежи и Дорис Пак и Јоханес Хан не говори ништо друго, освен што покажува дека и тие ги прочитале твоите лаги и не ти веруваат. Одлучиле да ти твитнат за да не ти текне да си пренесеш само тоа што ти одговара и да лажеш дека имаш поддршка за штетата што ја предизвикуваш и по Македонија и по ВМРО. Така е тоа Христијане кога играш дупло. Така е тоа Христијане со искусни политичари кои знаат дека твои советници од доверба шетаат по Скопје и зборуваат “а да си побаравме ние друг партнер, на исток”, вели Мијалков.

Мијалков писмото го завршува со тоа дека има подолг стаж во партијата од Мицкоски и неговите соработници, и дека писмата имаат само една цел, да го спасат и направат ВМРО-ДПМНЕ посилно. Ти не си ВМРО, ВМРО е над тебе, му напиша Мијалков на Мицкоски.

Антонио Крстевски

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top