skip to Main Content
ТОП ВЕСТИ
(Видео) Со дрон во Скопје откриен потпалувач на оган
Веќе е извесно дека завршница за предметите на СЈО ќе има
Вистиномер.мк: Химната не е отстранета од образовните програми за основците
Анѓушев: Едно семејство не може да живее со 200 евра плата, минималната плата мора да расте

Колку е тешко кога новинарот ќе ја почувствува неправдата на своја кожа – Кежаровски во „Правда и неправда“

Колку е тешко кога новинарот ќе ја почувствува неправдата на своја кожа – Кежаровски во „Правда и неправда“
  • 21.05.2019

Врховниот суд, одлучувајќи по барање за заштита на законитоста, неодамна ги укина првостепената и второстепената пресуда во случајот „ликвидација“ и го врати предметот на повторно одлучување. Еден од седумтемина обвинети во контроверзниот предмет е и новинарот Томислав Кежаровски, прогласен за виновен за откривање на идентитет на заштитен сведок. Во октомври 2013 беше осуден на четири и пол години затвор, а во ноември 2014 Апелација му ја намали казната две години. Неговото апсење и пресудата наидоа на силни реакции на домашната и меѓународната јавност и силни критики за Македонија како земја во која е загрозена слободата на изразување.

-Живеевме и сѐ уште сме во една неизвесност. Навистина не знам што ќе се случува понатаму. Од една страна, велиме, добро е што повторно ќе се вратиме на почеток, но ако се прашувам јас, само се надевам дека ќе има фер и непристрасно судење, ништо повеќе, вели Кежаровски.

Тој и адвокатот се надеваат дека ќе можат да ги презентираат сите докази кои ги имале цело време и за кои се залагале дека треба да бидат изнесени во постапката. Сепак, во врска со обвинението против него, ниеден од судиите на Врховен не се произнел по кој основ се враќа предметот отпочеток и врз која основа се одбиени пресудите.

-Тоа што е наведено е штуро образложение, не се осврнуваат во ниту една реченица, туку велат дека ги согледале сите аргументи наведени во жалбата и одлучиле предметот да се врати отпочеток, додава Кежаровски.

Сепак, вели дека повторно треба да влезе во судските лавиринти и повторно да ги проживее моментите во притвот и во судницата.

Целиот разговор можете да го погледнете во видеото.

Back To Top