skip to Main Content
ТОП ВЕСТИ
Јанева со полициска придружба замина за Гевгелија
Законски нејаснотии кој ќе управува со СЈО по приведувањето на Јанева
Судењето за „Монструм“ одложено за 5 септември
Се запали автубус на ЈСП во Ѓоче Петров
Косовското Собрание се самораспушти, се очекува датумот за избори
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Како западна Агенцијата за разузнавање во „естрадизација“ – разговор со д-р Цветковски во Студио 1

Како западна Агенцијата за разузнавање во „естрадизација“ – разговор со д-р Цветковски во Студио 1
  • 17.05.2019

Реформите на безбедносните служби што ги бара Брисел се меѓу приоритетите, но се и константна тема во македонското општество. Непосредно пред плурализмот и осамостојувањето на Македонија во 1988, се случи бунт во МВР, познат како „случајот осумтемина“. Заедно со Павле Трајанов, Слободан Богоевски, Александар Диневски, во групата која бара реформи во МВР е и д-р Гроздан Цветковски. Како што објаснува, барале поголема демократија, истото што е актуелно и денес.

-Зачудува еден факт. Оттогаш поминаа повеќе од три децении, но работите се како дежа ву, бидејќи истите промлеми се и денеска, иако се сменети времињата, луѓето и еднопартискиот систем, но останаа правилата, средствата и методите на владеење, дури и се проширија и се надградија. Циниците би рекле – за овие 30 години одевме чекор напред, два назад, вели Цветковски.

Како што вели, реакцијата на осумтемина наишла на широко одобрување на југословенската јавност, а поддршка добиле и од највисоките политичари, меѓу кои Васил Тупурковски и Петар Гошев. Сепак, 30 години подоцна, во Агенцијата за разузнавање и сите други безбедносни структури каде што се бара послушност, а не способност, истата слика ја добиваме и денеска.

-Секоја способност и инвентивност ја засенува партијата и нејзиниот водач. Бидејќи Агенцијата е под претседателот, ја спроведува политиката на претседателот. Фактички, естрадизација е тоа што последниве 5 до 10 години, Агенцијата за разузнавање се приватизира, стана приватна служба на претседателот, иако владата на РСМ има многу ингеренции. Сепак, претседателот го именува и го разрешува директорот. Се постави естрадизација и веднаш по објавувањето на бомбите почнаа да наоѓаат засолниште и прибежиште разни криминализирани типови кои се скриваа таму, вели Цветковски.

За безбедносниот аналитичар Цветковски, кој работеше како началник и главен инспектор во МВР, тешко ќе се одвива работата на ОТА поради малубројниот кадар на вработени. За безбедносните служби, тој упати три пораки до новиот претседател Стево Пендаовски.

-Прво што ќе направи е ветинг, прочистување на гнилите јаболки и назначување по мерит систем. Второ, да ги укине синекурските работни места. Има синекурски работни места коишто немаат предмет на работа. И се подразбира, мора да се донесе нов закон, во почетокот може измени и дополнувања, во кој прецизно ќе се дефинира. Не може 25 години законот да не се измени. Мислам дека ќе успее да преиспита кои се официјалните претставници во странство и на каков начин се заминати, бидејќи дел се заминати на криминален начин. И претседателот треба да бега од глобализмот. Не сме ЦИА за да дејствуваме глобално. Треба да го следиме регионот, вели Цветковски.

Целиот разговор можете да го погледнете во видеото.

Back To Top