skip to Main Content
ТОП ВЕСТИ
Денеска во 18 часот седница на ЦО на СДСМ за кадровските промени
Последен ден од изборите во ЕУ, првичните резултати пред полноќ
Од среда започнува пријавувањето за социјална помош во центрите
Торонто влезе во големото НБА финале
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Владата засилено лобира за датум за преговори со ЕУ

Владата засилено лобира за датум за преговори со ЕУ
  • 15.05.2019

На само две недели пред објавувањето на извештајот на ЕК, интензивно се лобира за доделување на датум за преговори со ЕУ. Аргументи дека земјата ги исполнила критериумите на Унијата се Претседателски избори, реформите, Договорот со Бугарија и Спогодбата од Преспа.

Северна Македонија, е успешна приказна која треба да биде охрабрена и поддржана ако сакаме да направиме разлика, порача Димитров во обраќањето во германскиот Бундестаг.

– И покрај тешката политичка ситуација во Европа денес, претстојните европски избори, сите прашања кои се поврзани со тоа, едноставно го немаме луксузот да не успееме во создавањето успешни приказни. Мојата земја Северна Македонија денес е успешна приказна која треба да биде охрабрена и поддржана ако сакаме да напарвиме разлика. Најголемата научена лекција од сето ова е дека ние можеме да направиме разлика. Ништо од ова, ниту помирувањето, ниту Преспанскиот договор не беше неизбежно. Напротив, се случи бидејќи ние тоа го направивме, заедно со лидерстово во Атина, вели Димитров.

И покрај најавите дека на 29 мај ќе има позитивен извештај од Европската Комисија, сепак земјата ќе мора да ги убеди сите 28 членки на Европската Унија дека  постигнала  напредок.

Францускиот амбасадор признава дека во последниве две години се завршени голем дел од работите , но не прецизира дали тоа ке биде доволно за датум. Се очекува исполнување на конкретни работи меѓу што и постигнување на договор за СЈО.

– Вашата земја очигледно е на добар пат, останува да оцениме дали напредокот којшто е постигнат е доволен да се оправда доделувањето на датум за отпочнување на преговорите. Таа одлука нема нема само Франција да ја даде, туку секоја членка одделно, вели Тимоние.

Според досегашната пракса, министрите за надворешни работи на ЕУ разговараат за прашањата за проширување на Унијата на првиот редовен состанок, веднаш по објавувањето на Извештајот на ЕК.  Следниот редовен состанок на министрите на ЕУ е закажан за 18 јуни. Но со оглед на тоа дека на некои земји им е потребна согласност од националните парламенти можно е  дебатата за проширувањето да се помести за министерски состанок во јули.

Во меѓувреме од 1 ви јули Финска го презема претседателството на ЕУ.

Лепа Џундева

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top