skip to Main Content
ТОП ВЕСТИ
Бектеши – Азеведо: Северна Македонија е на вистински пат за отворена економија и економски раст
Неизвесна лидерската средба, Мицковски не гледа потреба да присуствува
Седница на собраниската Комисија за здравство
Земјотрес во Струмица, Валандово и околината
Пролонгирано заминувањето во затвор на Сеад Кочан, додека не се одлучи по неговото барање
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

(Видео) 70 до 80 проценти од младите сакаат да ја напуштат Северна Македонија – половина од нив преземаат конкретни мерки

(Видео) 70 до 80 проценти од младите сакаат да ја напуштат Северна Македонија – половина од нив преземаат конкретни мерки
  • 17.06.2019

Осум од десет млади сакаат да ја напуштат Македонија. Последната студија на фоднацијата Фридрих Еберт покажува загрижувачки податоци за желбата на младите да ја напуштат земјата. Статистиката вели дека половина од нив веќе преземаат конкретни чекори за напуштање на државата, додека другата половина сака да се пресели во западните земји но тоа кај нив останува само желба. Трите главни причини за иселувањето на младите од Македонија се подобро образование, подобри можности за вработување и подобар животен стандард.

– Тој податок дека процентот е висок е делумно точен, меѓутоа не е тоа бројката на млади кои преземаат било какви чекори односно се сигурни во тоа дека сакаат да ја напуштат земјата, што значи дека доколку им се укажат можности за подобрување на животниот стандард, голем дел од нив би останале, вели Нита Старова од Фондацијата Фридрих Еберт.

Дел од статистиките кои ги покажала студијата велат дека младите реагираат на корупцијата, социјалната неправда, сиромаштијата, невработеноста. Иако сакаат да се образуваат, младите во Македонија, сметаат дека за вработување повеќе ќе им помогнат врските отколку знаењето. Германија е дефинитивно најпосакувана дестинација за иселување, а по неа следи Швајцарија, покажува студијата.

– Тие покажуваат висока мотивација за учење меѓутоа се загрижени дали ќе најдат работа по завршување на образованието. Преферираат високо образование. за вработување сметаат дека повеќе ќе им послужи да имаат контакти и врски за да се вработат, отколку што тоа ќе го направат квалификациите и завршеното образование, изјави Марија Топузовска Латковиќ  од Институтот за социолошки и политичко-правни истражувања.

Долго време институциите биле затворени за младите кога се креирале стратегиите и политиките кои ги опфаќаат токму нив. Новата власт го промени тоа, вели пратеничката Туфегџиќ токму со Законот за младинско учество за кој беа консултирани граѓанските организации, а во чија изработка учествуваат партиските подмладоци, владата, пратениците.

– Мислам дека е многу важно на ваквиот тип на прашања да пристапуваат со натпартиска призма, и токму затоа постои Клубот за млади во собранието, составен од сите пратенички групи. Тука треба да изградиме консензус за да можеме системски да пристапиме на работите и подобрување на целокупниот животен стандард, вели Ивана Туфегџиќ, пратеник.

Ова е втора Студија за млади на Фондацијата Фридрих Еберт спроведена во Македонија, по првата во 2013 година. Студијата не само што дава комплетен увид во состојбата со младите во земјата, туку и нуди соодветни решенија за тоа како општеството во целина може да им помогне на младите.

Антонио Крстевски

Back To Top