skip to Main Content

(Видео + фото) Заев се сретна со Меркел: Соработката и реформите во РСМ се аргументи за датум од ЕУ летово

(Видео + фото) Заев се сретна со Меркел: Соработката и реформите во РСМ се аргументи за датум од ЕУ летово
  • 29.04.2019

Премиерот Зоран, Заев придружуван од заменик претседателот на Владата за европски прашања, Бујар Османи и министерот за надворешни работи, Никола Димитров беше пречекан од германската канцеларка Ангела Меркел пред почетокот на Конференцијата за Западен Балкан во Берлин.

Непосредно пред почетокот на Конференцијата, владината делегација оствари работен состанок со канцеларката Меркел на која главна тема на дискусија беа придобивките од Договорот од Преспа за стабилноста, соработката и мирот во регионот.

Заеднички беше констатирано дека Северна Македонија и Договорот од Преспа се позитивен пример на Балканот и дека тој успех е охрабрување за сите земји учеснички на Конференцијата за Западен Балкан.

Премиерот Заев и канцеларката Меркел ја истакнаа важноста на економските придобивки кои ги носи билатералната соработка меѓу Северна Македонија и Грција и потенцираа дека ваквите соработки треба да се интензивираат низ целиот регион.

Премиерот Заев на средбата нагласи дека соработката, пријателството и реформите кои ги спроведува земјата се сериозни аргументи за позитивна одлука од страна на Европската Унија за почеток на преговорите во текот на летото.

Back To Top