skip to Main Content

(Видео) Филипче: И покрај сите напори, 38-годишниот пациент им подлегна на повредите

(Видео) Филипче: И покрај сите напори, 38-годишниот пациент им подлегна на повредите
  • 16.02.2019

Министерот за здравство Венко Филипче во изјава пред Клиничкиот центар потврди дека утрово на повредите им подлегна уште еден од пациентите примени на КАРИЛ по трагичната автобуска несреќа кај Ласкарци.

-Стануваше збор за тешки повреди на градниот кош и на белите дробови. Станува збор за 38-годишен пациент кој се лекуваше на КАРИЛ. Денеска на Клиниката се сместени четворица пациенти кои имаат сериозни повреди. Информиравме за девојката и за нејзината состојба по вчерашната хируршка интервенција и тројцата пациенти кои исто така се во тешка состојба. Во болницата „8 Септември“ на интензивна нега се сместени пет пациенти, двајца и натаму се на респираторна машина, состојбата не им е сменета во однос на вчера. Тројца пациенти кои не се на респираторна машина, но исто така имаат тешки повреди се во критична состојба, информираше Филипче.

-Пациентот беше меѓу првите примени дента. Тој беше опериран меѓу првите, кога ги отворивме првите четири сали. Поради сериозноста на повредата следниот ден беше повторно ревидиран и направена е хемостаза и обид да се запре тешкото крварење на белиот дроб. По интензивен конзервативен и оперативен третман на пациентот, денеска во утринските часови, за жал, им подлегна на повредите, соопшти директорот на Ургентен центар Илир Хасани.

Тој информира дека 20-годишната девојка на која ѝ беше ампутирана ногата, по две операции за спасување на нејзиниот живот, и натаму е во тешка критична состојба. Во тешка состојба е уште еден пациент со торакална повреда кој е во единицата за интензивна нега.

Целите изјави можете да ги погледнете во видеото.

Back To Top