skip to Main Content
ТОП ВЕСТИ
Германски печат: ЕУ земјите подготвени да ја прифатат само Северна Македонија
Расмусен: Земјите од ЕУ не можат да ѝ ја негираат на Македонија иднината што ја бара
Шекеринска: Земјава за една година направи скок од 23 места во однос на стабилноста
Новата амбасадорка на САД во земјава положи свечена заклетва
Сведок од УБК: До системот за прислушување се пристапуваше и надвор од МВР, од поранешниот Аеро клуб
Министерството за правда ги објави извештаите од надзорот во судовите за АКМИС системот
ОН: Светот до 2050 година ќе брои 9,7 милијарди луѓе
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

(Видео) Одбележани 11 години од хеликоптерската несреќа кај катлановско Блаце

(Видео) Одбележани 11 години од хеликоптерската несреќа кај катлановско Блаце
  • 11.01.2019

Во спомен на единаесетте припадници на воздухопловната бригада (вбр) на АРМ кои загинаа во хеликоптерската несреќа пред единаесет години, денеска беше положено цвеќе на местото на несреќата кај катлановско Блаце и во касарната „НХ Страшо Пинџур“ во Петровец.

Почит на загинатите припадници на спомен обележјето им оддадоа делегации од Министерството за одбрана, предводена од заменик-министерот за одбрана, Беким Максути, од ГШ на АРМ предводена од директорот на ГШ на АРМ, генерал-мајор Зоран Милески, од Здружената оперативна команда, воздухопловната бригада, 1. механизирана пешадиска бригада, од општина Петровец и од членовите на семејствата на загинатите припадници, соопшти ГШ на АРМ.

Со едноминутно молчење и полагање венци со цвеќе почит на загинатите припадници им беше оддадена и од делегации од Здружената оперативна команда и вбр пред спомен обележјето и пред командата на вбр во касарната „НХ Страшо Пинџур“ во Петровец.

Годишнината од хеликоптерската несреќа ќе биде одбележана и во кампот Бутмир, Сараево, во Босна и Херцеговина каде нашите мировници беа дел од мисијата „АЛТЕА“.

Хеликоптерот Ми-17 се урна на 12-ти јануари 2008 година кај катлановско Блаце, враќајќи ги во Македонија потполковникот Тони Спасовски, мајорот Горан Ристовски, капетаните Бране Спасовски и Игор Ѓорески, наредниците Славчо Василев и Тони Давитковски, постарите водници Јанко Шириќ, Александар Тасковски, водниците Мики Ивановски и Александар Васиќ и десетарот Златко Вељаноски.

Back To Top