skip to Main Content
ТОП ВЕСТИ
Хан ја повика ЕУ да отвори преговори со Северна Македонија во најбрз можен рок
Могерини: Се надевам на позитивна одлука за преговори со Северна Македонија и Албанија
Рама: Пендаровски е претседател со кој треба да се гордееш, Мета не тера да се чувствуваме засрамено
Од денеска нови регистарски таблички со NMK
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

32.000 „жолти елеци“ протестираат во Франција од кои 8.000 во Париз

32.000 „жолти елеци“ протестираат во Франција од кои 8.000 во Париз
  • 12.01.2019

Во 14.00 часот, по локално време, според проценките на улиците во Франција имало 32.000 жолти елеци од кои 8.000 во Париз и околу 5.000 во Бурж.

Засега е се уште рано да се каже колку лица се мобилизираа на денешниот „Деветти чин“ на мобилизација на Жолтите елеци.

Како и по обичај демонстрациите започнуваат мирно со дефиле на улиците, но на самиот почеток на Шанзелизе беше забележана видна тензија со силите на редот, посебно пред „Големите продавници“, кои ги имаа спуштено металните завеси.

По обичај во изминативе два месеци, судирите со силите на редот се на крајот од собирите. Во моментов полицијата во Париз употребува солзавец околу Триумфалната порта, околу авенијата Вагран, каде беа употребени и водени топови.

Дефилето во Париз е завршено, полицијата ги има блокирано сите пристапи, а солзавец почна да паѓа и пред самата Триумфална порта.

Други собири се најавени во неколку градови: Бордо, Марсеј, Тулуз, Лион, Стразбур, Лил, Нант, Рен …

Властите очекуваа поголема мобилизација на „радикализирани” елементи во текот на денешниот ден, во споредба со минатата недела, посебно во Бурж и неколку поголеми француски градови.

За денеска, префектурата на полицијата во Париз најави зголемени безбедносни мерки, кои се исти како во средината на декември 2018 година.

Од 80.000 полицајци и жандарми мобилизирани низ цела Франција, 5.000 ќе бидат само во Париз со четиринаесет оклопни возила на жандармеријата.

Полицијата и жандармите имаат инструкции да  патролираат, да бидат мобилни, реактивни, да апсат веднаш штом ќе се случи непочитување на редот ни мирот, најави префектот Мишел Делпек. Контроли се вршат  и на пристапите кон Париз.

Back To Top