skip to Main Content
ТОП ВЕСТИ
(Видео) Со дрон во Скопје откриен потпалувач на оган
Веќе е извесно дека завршница за предметите на СЈО ќе има
Вистиномер.мк: Химната не е отстранета од образовните програми за основците
Анѓушев: Едно семејство не може да живее со 200 евра плата, минималната плата мора да расте

Црвен метео-аларм во Словенија, портокалов во Босна и Херцеговина (Фото + видео)

Црвен метео-аларм во Словенија, портокалов во Босна и Херцеговина (Фото + видео)
  • 09.06.2018

Нестабилното време предизвика проблеми и во поширокиот реон на Балканот. После огромната штета во Словенија, невремето се помести кон Хрватска проследено со огромен град и дождови, а во Истра се забележани силни грмотевици и дожд со град.

Словенечкиот метеоролошки завод го крена нивото на аларм на црвено, а локалните медиуми пренесуваат дека најлошо било на границата со Хрватска во Бела Краина. Уништени се голем број автомобили и покриви, штета претрпеа земјоделските култури, ветрот корнел дрвја и покриви.

Издадено е предупредување дека лошите временски услови ќе се повторат и во текот на ноќта на територијата на целата земја.

На социјалните мрежи беа објавени повеќе видеа од невремето а од оваа снимка може да се види состојбата во словенечкиот град Чрномељ во близина на границата со Хрватска, каде на голем паркинг пред супермаркет уништени се речиси сите возила.

Во Босна и Херцеговина, федералниот хидрометеоролошки завод издаде портокалов метеоаларм за северните региони на Босна и Краина, каде што се очекува невреме со дожд и грмотевици, а на некои места и град. Во останатите региони на Босна и Херцеговина на сила е жолт метеоаларм.

Невремето што ја зафати Хрватска со силен дожд и ветар предизвика големи штети во Ријека, Горски Котор, Загорје и Меѓумурје и го попречи сообраќајот на патиштата. Пожарникарите реагираа поради избиени шахти и паднати дрвја.

Невреме има и во Црна Гора, каде има и големи оштетувања на куќите и другите објекти. На аеродромот во Тиват биле оштетени и два помали авиона, кои биле паркирани на пистата.

Back To Top