skip to Main Content
ТОП ВЕСТИ
Брима: Македонците пооптимисти во светски рамки за меѓународните политики на САД, Русија, Кина и ЕУ
Спираки: Официјалното име на соседната земја е Северна Македонија, дискусијата за таблите е од мало значење
СДСМ и ДУИ бараат консензуален претседателски кандидат
За олеснување на трговијата и транспортот 26,2 милиони евра од Светска банка
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Трамп: Во секој случај ќе го градиме ѕидот на границата со Мексико

Трамп: Во секој случај ќе го градиме ѕидот на границата со Мексико
  • 12.02.2019

Американскиот претседател Доналд Трамп изјави дека нема да отстапи од своето ветување дека ќе изгради ѕид на границата со Мексико, јави Би-Би-Си.

– Ќе го градиме ѕидот во секој случај, рече Трамп на собир во Тексас, во исто време кога беше објавено дека е постигнат принципиелен договор за финансирање на Владата и избегнување нејзино ново блокирање.

Меѓутоа, Трамп не кажа дали ќе го поддржи договорот.

Тој тврди дека бариерата што ги разделува Ел Пасо и Мексико го направи градот побезбеден. Меѓутоа, тоа не го потврдува федералната статистика.

Претходно, беше објавено дека неколку преговарачи од Демократската и Републиканската партија во американскиот Конгрес постигнаа принципиелен договор за финансирање на Владата и избегнување нејзино ново затворање.

Никој од преговарачите не ги наведе деталите од договорот, а исто така не кажаа дали претседателот на САД, Доналд Трамп, ќе ја добие целата сума што ја бара за изградба на ѕидот на границата со Мексико.

Демократите понудија одредена сума пари за гранична безбедност, но значително помалку отколку што бараше Трамп за ѕидот.

Белата куќа и конгресмените имаат рок да го исвојот новиот закон за буџетот до петок, кога повторно ќе бидат исцрпени средствата за финансирање на федералната Влада и може да уследи нова делумна блокада.

Трамп не се изјасни колку пари би прифатил како компромис за изградба на ѕидот на американско-мексиканската граница. Тој на 25 јануари се согласи да стави крај на најдолгата делумна блокада на работата на федералната Влада, која траеше 35 дена, иако не ги доби 5,7-те милијарди долари што ги бараше за ѕидот. Наместо тоа, беше постигнат договор за тринеделно финансирање на федералните агенции, со цел лидерите во Конгресот да имаат време да го решат спорот што се однесува на безбедноста на границата.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top