skip to Main Content

Тереза Меј претрпе пораз во Домот на лордовите за законот за Брегзит

Тереза Меј претрпе пораз во Домот на лордовите за законот за Брегзит
  • 18.04.2018

Британската премиерка Тереза Меј денеска претрпе пораз во горниот дом на Парламентот, Домот на лордовите, кој не го прифати нејзиниот Предлог-закон за Брегзит, со кој се предвидува Велика Британија по напуштање на ЕУ, да излезе и од европската Царинска унија.

Домот на лордовите со 348 гласови „за“ и 225 „против“, го прифати амандманот на Предлог-законот на Меј, со кој се бара од министрите до крајот на октомври да ги известат какви напори презеле за останување на земјата во Царинската унија.

Членот на Домот на лордовите и поранешен еврокомесар, лорд Патен, кој го поддржа амандманот, оцени дека состојбата за Велика Британија ќе биде полоша, доколку „не продолжи со актуелните обврски“ во рамки на Царинската унија.

Британската Влада по гласањето соопшти дека е „разочарана“ од одлуката на лордовите, но дека нема да се откажа од нејзината „многу јасна“ посветеност за напуштање на Царинската унија.

Back To Top