skip to Main Content
ТОП ВЕСТИ
ДКСК: Заев не може да биде премиер и министер за финансии
Заев: Го повлекувам предлогот да бидам и министер за финансии, иако уставот и законите го дозволуваат тоа
Атанасов: Сакав да бидам министер, бидејќи во образованието се прави малку
Весел Мемеди ќе поднесе оставка од функцијата потпретседател на Собранието
Шекеринска: Северна Македонија ќе учествува на сите сензитивни дискусии во НАТО
Димитров: Бугарија и Македонија ќе најдат начин низ пријателство и почит да го решат прашањето за Гоце Делчев
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

СЗО: Бројот на случаите на мали сипаници на глобално ниво се зголемува веќе трета година по ред

СЗО: Бројот на случаите на мали сипаници на глобално ниво се зголемува веќе трета година по ред
  • 15.04.2019

Светската здравствена организација (СЗО) денеска соопшти дека бројот на случаите на мали сипаници на глобално ниво се зголемува веќе трета година по ред, при што е забележан раст од 300 отсто во однос на истиот период минатата година.

Во првиот квартал од годината, 170 земји пријавиле околу 112.000 случаи на мали сипаници, што е зголемување од 28.000 во однос на првиот квартал од 2018 година. Сепак, реалните броеви најверојатно ќе бидат 10 пати повисоки, бидејќи само мал дел од случаите се пријавени, се наведува во соопштението од СЗО.

Иако болеста лесно се превенира доколку 95 проценти од популацијата се вакцинирани, СЗО објави дека стапката на глобалната покриеност за првата доза од имунизацијата веќе неколку години е на 85 проценти. Со втората доза опфатени се само 67 проценти од населението.

Речиси една четвртина од пациентите со мали сипаници се хоспитализирани со компликации кои можат да доведат до попреченост, оштетување на мозокот, слепило и губење на слухот.

Меѓу земјите со висок број на инфекции во изминатите шест месеци се Мадагаскар со 70.000 случаи, Украина со 49.000, Филипините со 8.800 и Венецуела со 5.700.

Неколку земји од јужна и источна Европа, вклучувајќи ги Албанија, Србија и Црна Гора, имаат некои од највисоките стапки на сипаници во светот – од околу 300 до 470 на 100.000 жители, покажува статистиката на СЗО.

Од мали сипаници починаа речиси 110.000 луѓе во 2017 година, според најновите достапни бројки за смртните случаи.

Back To Top