skip to Main Content
ТОП ВЕСТИ
Јанева со полициска придружба замина за Гевгелија
Законски нејаснотии кој ќе управува со СЈО по приведувањето на Јанева
Судењето за „Монструм“ одложено за 5 септември
Се запали автубус на ЈСП во Ѓоче Петров
Косовското Собрание се самораспушти, се очекува датумот за избори
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Сали Бериша: Идејата за корекција на границите е проект на Белград

Сали Бериша: Идејата за корекција на границите е проект на Белград
  • 14.09.2018

Поранешниот албански претседател и премиер Сали Бериша верува дека идејата за размена на територии меѓу Косово и Србија е проект на Белград.

Гостувајќи во телевизиска емисија, Бериша упати тешки обвинувања на адреса на косовскиот претседател Хашим Тачи, кого го нарече „аргат“ кој го брани овој проект.

Бериша смета дека идејата за размена на територии е идеја на Белград, од која добивка има единствено Србија, но не и Косово.

Тој посочува дека проектот за корекција на границата меѓу Косово и Србија не е американски проект и додава дека и „претставникот на американскиот Сенат јасно кажал дека договор за тоа бара Русија“.

– Претставникот на американскиот Сенат јасно кажа дека договорот го бара Русија. Па се јавува аргатот (Тачи). Се јавува некој кој зборува албански и вели не, јас го ставам ова прашање на дискусија и јас барам корекција на границите, а не Белград. Ова е фатално. Како можеш да им кажеш на Албанците такво нешто?, изјави Бериша, кој е и поранешен лидер на Демократската партија.

Бершиша нагласи дека категорично е против корекција на границите, затоа што тоа е многу опасно по мирот и безбедноста на Балканот.

Во истото гостување, меѓу другото, Бериша оцени дека турскиот претседател Реџеп Тајип Ердоган има огромно влијание во Албанија, поради блиските врски со албанскиот премиер Еди Рама.

Back To Top