skip to Main Content
ТОП ВЕСТИ
Хан ја повика ЕУ да отвори преговори со Северна Македонија во најбрз можен рок
Могерини: Се надевам на позитивна одлука за преговори со Северна Македонија и Албанија
Рама: Пендаровски е претседател со кој треба да се гордееш, Мета не тера да се чувствуваме засрамено
Од денеска нови регистарски таблички со NMK
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Прво намалување на бројот на жители на Кина во последните 70 години

Прво намалување на бројот на жители на Кина во последните 70 години
  • 03.01.2019

Бројот на жители во Кина, земјата со најголем број луѓе, првпат се намали во последните 70 години, оценуваат експертите и покрај напуштањето на политиката на едно дете.

Иако официјалните податоци ќе бидат познати до крајот на јануари, експерт Ји Фуксијан, истражувач кој работи на американскиот Универзитет во Висконсин „Медисон“, проценува дека во 2018 година бројот на жителите на Кина се намалил за 1,27 милиони.

Тоа не е многу во споредба со нивниот вкупен број од 1,39 милијарди, но се случува првпат во историјата на Народна Република Кина, основана во 1949 година.

По пронаталитетната политика на основачот на денешна Кина, Мао Це Тунг, во доцните 70-ти години земјата започна политика на едно дете, која честопати беше критикувана.

Сепак, поради стареење на населението, Пекинг во 2016 година им дозволи на сите семејства да имаат по две деца. Меѓутоа, поради трошоците за образование, здравствено осигурување и домување, многу двојки сè уште се одлучуваат само за едно или пак воопшто да немаат деца.

Како последица на тоа, според Ји, бројот на породувања лани се намалил за 2,5 милиони, иако во Пекинг во 2018 година беа предвидени 790.000 породувања, а на национално ниво 10,31 милиони.

Во исто време, бројот на смртни случаи е зголемен за 11,58 милиони, наведува Ји, кој во своите пресметки се потпира на локални статистички податоци.

Back To Top