skip to Main Content
ТОП ВЕСТИ
Алтернатива е новото име на партијата на Африм Гаши – Беса останува на Касами
Могерини: ЕУ ќе го поздрави историскиот успех на Скопје и Атина
Бугарија в среда ќе го ратификува Протоколот за НАТО
Северна Македонија денеска на агендата на министрите за надворешни на ЕУ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

По 70 години откриена теоријата на заговор околу смртта на Рудолф Хес

По 70 години откриена теоријата на заговор околу смртта на Рудолф Хес
  • 12.02.2019

Човекот кој во 1987 година се обеси во берлинскиот затвор Шпандау, на 93-годишна возраст, навистина бил Рудолф Хес, некогашниот заменик водач на Третиот рајх, Адолф Хитлер.

Тоа го потврдиле ДНК анализите чии резултати ги разоткриле теориите на заговор, кои успеале да опстанат подолго од седум децении.

Истражувачите, кои настојувале да докажат дека еден од првите германски нацисти не е заменет со двојник, влегле во трагата на роднина на Хес, кој живее во Германија.

Тие го споредиле неговиот ДНК примерок со примерокот од крвта на „Затвореникот број 7“ од 1982 година, кој им бил даден од управата на затворот Шпандау. Анализите покажале дека постои речиси 100 процентно усогласување на примероците, пишува списанието „Њу сајантист“.

Теоретичарите на заговор, меѓу кои е и еден од лекарите кои во затворот го лекувале Хес – Хју В. Томас, шпекулирале дека двојник го заменил Хес пред тој во 1941 година да замине за Шкотска, во обид да склучи мир со Велика Британија.

Хес е уапсен по слетувањето во Шкотска, во мај 1941 година. До крајот на војната бил затворен во лондонскиот Тауер. На Нирнбершкиот процес во 1946 година, поради извршени воени злосторства, е осуден на доживотен затвор, а во 1947 година е префрлен во затворот Шпандау.

Лекарот Томас тврдел дека човекот кој тој го лекувал физички се разликувал од Хес. Му било сомнително и тоа што семејството на осуденикот долги години одбивало да го посети.

Американскиот воен патолог Рик Вал, еден од авторите на меѓународни форензичарски истражувања за генетика, го зачувал примерокот од крвта за потребите на научно истражување, што се покажало многу корисно.

Останките на Хес се ексхумирани во 2011 година, со цел да се спречи неговиот гроб да стане место за собир на неонацисти, што значи дека промерокот на Вал од затворот Шпандау е единствена зачувана трага од ДНК-та на Хес.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top