skip to Main Content
ТОП ВЕСТИ
Денеска во 18 часот седница на ЦО на СДСМ за кадровските промени
Последен ден од изборите во ЕУ, првичните резултати пред полноќ
Од среда започнува пријавувањето за социјална помош во центрите
Торонто влезе во големото НБА финале
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Пад на наталитетот во САД

Пад на наталитетот во САД
  • 15.05.2019

Наталитетот во САД опаѓа четврта година по ред и стапката на новородени лани била најниска во изминатите 32 година, покажуваат резултатите од најновото истражување на владиниот Центар за контрола и спречување на болести (ЦДЦ).

Според истражувањето, во САД лани биле родени 3.788.235 бебиња или два отсто помалку од претходната година. Општата стапка на раѓање лани изнесувала 59 деца на 1.000 жени на возраст од 15 до 44 години, што е пониска и од времето на економската криза и Големата депресија во 30-те години на минатиот век. Така на пример во 1936 година општата стапка на раѓање била 75,6 деца на 1.000 жени.

– Најважното сознание од истражувањето е дека стапката на раѓање во САД опадна на рекордно ниско ниво, вели Брејди Хамилтон, статистичар и демограф во ЦДЦ.

Тој додава и дека постои рекордно ниска стапка на раѓање и кај жените тинејџери. Лани таа се намалила за седум отсто споредено со 2017 година.

Во извештајот се посочува дека наталитетот во САД се приближува на нивото на западноевропските трендови и земјата оди кон таа граница кога бројот на населението ќе почне да се намалува.

Според ЦДЦ, вкупната стапка на раѓање во САД – просечниот број на деца родени од сите жени кои би живееле до крајот на својата репродуктивна возраст, исто така е намалена. Во САД лани на 1.000 жени имало вкупно 1.728 раѓања, што е два отсто помалку отколку во 2017 година.

Според статистичарите, за одржување на тековниот број на население, вкупната стапка на раѓање во земјата треба да биде најмалку 2.100 раѓања на 1.000 жени или секоја жена треба да роди најмалку две деца. Ако 1.000 жени родат 2.000 деца, тие ќе ги заменат нивните двајца родители, а останатите 100 ги заменуваат прерано починатите.

Последиците од намалената стапка на раѓање се многубројни, велат експертите. На пример се зголемува бројот на постарите луѓе, што влијае врз работоспособноста во земјата.

САД го следат трендот на намалена стапка на раѓање, што е одлика на развиените земји. Така на пример во европските земји како Италија и Шпанија стапката на прираст 1,3, додека во Јапонија е 1,44.

Според социолозите, една од основните причини за намален наталитет кај Американките е подоцното стапување во брак и одложување на бременоста на возраст од над 35 или над 40 години.

– Ова е знак дека наталитетот може да се обнови. Можеби. Но, одложена бременост во поодмината возраст резултира и со проблеми во плодноста кај жените, вели Хелен Ким, професор на Медицинскиот факултет „Фејнебрг“ при Северозападниот универзитет.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top