skip to Main Content
ТОП ВЕСТИ
Тренд на дезинформации со цел наведување на публиката кон погрешни заклучоци
Грчкиот остров Парос во обид да биде првиот остров без пластика
Кои пет градови се преполни со туристи?
Пронајдена порака во шише стара 50 години
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Орбан влегува во „финална битка“

Орбан влегува во „финална битка“
  • 11.02.2019

Говорот на Виктор Орбан за состојбата на нацијата, со кој унгарскиот премиер ги „наштима“ граѓаните пред европските избори во мај, беше огномет од ксенофобични тонови и изјави против ЕУ.

„Европа пред европските избори во мај повторно стигна до точка кога мораме да го браниме нашиот унгарски идентитет, нашето христијанско наследство“, рече Виктор Орбан во годишниот говор за состојбата на нацијата. Унгарскиот премиер претстојните европски избори ги нарече „финална битка“. Во однос на Европската унија оцени дека „нејзино средство е доселувањето“, кое значи „зголемување на криминалот, особено против жените“ и кое дозволува „влез на вирусот на тероризмот“. Партијата на Орбан, Фидес, е дел од пратеничката група на Европската народна партија (ЕНП) во Европскиот парламент.

Орбан изрази особена загриженост поради „менување на христијански земји“. Во доселеничките земји се создаваат „христијанско-муслимански светови“, во кои уделот на христијаните континуирано опаѓа, вели тој.

Како „унгарски одговор“ на намалувањето на населението во земјата премиерот најави план од седум точки. Првата мерка е секоја жена под 40 годишна возраст која стапува во брак првпат, да добие кредит во висина од 10 милиони форинти (околу 31.000 евра) на користење по свој избор. Враќањето на кредитот се одложува за три години при раѓањето на првото дете. По раѓањето на второто дете се простува една третина од кредитот, а по раѓањето на третото дете жената е сосема ослободена од враќање на кредитот. Освен тоа, бабите и дедовците кои се грижат за внуците би требало да добијат финансиска поддршка од државата.

„Сакаме унгарски бебиња“

Освен тоа, Орбан најави и дека жените кои имаат четири и повеќе деца ќе бидат доживотно ослободени од плаќање данок, а семејствата со најмалку три деца би требало при купувањето нов автомобил со најмалку седум седишта да добиваат помош од државата во износ од 2,5 милиони форинти, односно околу 7.800 евра.

„Не сакаме само бројки, туку сакаме унгарски бебиња“, стави јасно до знаење Орбан.

Унгарија со 1,49 деца по жена има една од најниските стапки на раѓање меѓу земјите членки на ОЕЦД. Освен тоа, вкупниот број граѓани е намален и поради иселувањето на работоспособното население и сега изнесува под 10 милиони.

Висококаратна посета од Вашингтон

Во Унгарија денеска доаѓа американскиот министер за надворешни работи Мајк Помпео, кој се среќава со унгарскиот колега Петер Сијарто. САД стравуваат поради тоа што Унгарија со својот деснонационалистички премиер засилено се врти кон Русија. Помпео, како што се најавува од Вашингтон, на Орбан би требало да му ги изнесе своите забелешки околу унгарската поддршка на руско-турскиот гасовод Турски тек. Трн в око за Вашингтон е и руското финансирање на унгарската атомска централа Пакс.

Извор: Дојче веле

Back To Top