skip to Main Content
ТОП ВЕСТИ
Груевски останува во Будимпешта
Шекеринска во Брисел: Билатерални средби со министри за одбрана на НАТО земји
Ексклузивно интервју со Бојан Јовановски – петок 21:00 во Отворено Студио 1
Презентација на втор мониторинг извештај за работата на Државното правобранителство- „Заедно во борба против корупција“
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

ОН: Ријад да ги прекине нападите врз цивили во Јемен

ОН: Ријад да ги прекине нападите врз цивили во Јемен
  • 11.10.2018

Комитетот на Обединети нации за човекови права денеска ја повика Саудиска Арабија да ги запре воздушните напади врз цивилни мети во Јемен и кривично да ги гони одговорните за страдањето на децата во незаконските напади.

Саудиска Арабија ја предводи коалицијата на арапски држави со поддршка од Западот, кои ја поддржуваат јеменската Влада во борбата против Хутите, под чија контрола е главниот град на Јемен, Сана.

Во заклучоците од панелот на ОН, во кој учествуваа 18 независни експерти, се предупредува дека јеменските деца и понатаму се убиваат и повредуваат.

Експертите изразија загриженост поради „нефикасноста на тимот за заедничка проверка на инцидентите“, што беше формиран од страна на коалицијата во 2016 година. Тимот требаше да ги испита наводите за незаконските напади на Ријад и на членките на коалицијата врз децата и објекти во кои претстојуваат деца.

Во граѓанската војна во Јемен, која трае 3,5 години, загинале повеќе од 10.000 луѓе, додека во воздушните напади од 2015 година загинале најмалку 1.248 деца, а речиси исто толку се и повредени.

ОН исто така побара и прекин на воздушната и поморската блокада поради што повеќе милиони граѓани на Јемен гладуваат.

Back To Top