skip to Main Content
ТОП ВЕСТИ
Католиците го слават Велигден
Граѓаните го избираат петтиот претседател, прв на Република Северна Македонија
Охрид, Дебар и Ново Село избираат градоначалници
За победа во прв круг потребни 904.066 гласови, во вториот 723.253
МВР подготвено да обезбеди достојна и безбедна изборна атмосфера
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Нова демократија ги претстави кандидатите за евроизборите

Нова демократија ги претстави кандидатите за евроизборите
  • 15.04.2019

За точно 42 дена, со 42 одлични кандидат, на 26 мај, Нова демократија ќе ја постигне првата голема победа, рече Кирјакос Мицотакис, за време на претставувањето на кандидатите за европратеници од најголемата грчка опозициска партија.

Под слоганот „Заслужуваме подобро и во Грција и во Европа“, вчера беа претставени кандидатите на Нова демократија во пресрет на евроизборите. Речиси половина од нив, 20 од 42 првпат влегуваат во политика, а кандидатите се на различна возраст, со различни професии. Поранешниот претседател на партијата, Евангелос Меимаракис е носител на кандидатската листа, на која се и првиот грчки амбасадор во Скопје, Александрос Маљас, професорот по меѓународно право, Димитрис Керидис, како и тројца новинари, бизнисмени, актер и сл.

Откако беа претставени кандидатите, претседателот на Нова демократија во обраќањето рече дека е време за нов почеток.

-Вечерта на 26 мај, пораката кон сите треба да биде јасна по четири тешки години. По четири години на изгубени можности, по четири години песимизам, по четири години, во кои сè повеќе и повеќе млади се уште и денес ја гледаат иднината далеку од Грција. Конечно дојде време да направиме нов почеток, рече Мицотакис.

Лидерот на Нова демократија истакна дека следните пет години ќе бидат клучни за Европската унија, а тие сакаат силна Грција во силна ЕУ. Додаде дека се отвора пат со нови предизвици, во Европа што се менува и е под закана на силите на популизмот.

-Ќе треба да ги потсетиме нашите европски пријатели дека популизмот не е само привилегија на екстремната десница. Нашата земја беше прва што ги доживеа негативните последици од популизмот на власта. Но, излегуваме позрели од оваа криза. Повредени, но посилни и посигурни во нашиот обид да најдеме посветла и пооптимистичка иднина. А иднината на Грција ќе биде иднина за земја која повторно ја наоѓа нејзината позиција во Европа што се менува, рече претседателот на Нова демократија.

Мицотакис објасни дека во следните пет години „Европа ќе биде повикана да донесе клучни одлуки за развојот, за безбедноста и чувањето на границите, да донесе клучни одлуки во областите каде што денес е потребна повеќе Европа, во справувањето со климатските промени, во справувањето со големите технолошки предизвици“.

-Во сите овие предизвици Нова демократија мора да биде присутна со колку е можно посилна еурогрупа. Со колку е можно поквалитетна еврогрупа, порача Мицотакис.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top