skip to Main Content
ТОП ВЕСТИ
Грчки воени авиони почнаа да прелетуваат на небото над Македонија за потребите на НАТО мисијата „Air Policing“
Заев: Ќе има политичка криза ако не добиеме датум за преговори
Бродот на мирот со порака за Договорот од Преспа пристигна на атинското пристаниште Пиреа
Китанов: Автопатот Миладиновци-Штип, според проектот, е готов
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Могерини: Западен Балкан е партнер на ЕУ во безбедноста

Могерини: Западен Балкан е партнер на ЕУ во безбедноста
  • 30.08.2018

Земјите од Западен Балкан за ЕУ се претвораат ​​во партнери за прашања на безбедноста, додека порано тие беа разгледувани само како жариште на нестабилност, изјави високата претставничка на ЕУ за надворешни работи и безбедност Федерика Могерини при пристигнувањето на втората работна седница на дводневниот неформален состанок на министрите за одбрана на ЕУ во Виена.

Могерини, исто така, рече дека „заедно со НАТО се разгледува како да се продлабочи соработката за безбедносните прашања во регионот“.

Австрија, која во моментов претседава со Советот на ЕУ, ги покани министрите за одбрана на земјите од Западен Балкан на 26 септември во Грац, за да разговараат за безбедносната ситуација во регионот, соопшти австрискиот министер за одбрана Марио Кунасек. Според него, на вчерашната седница на европските министри за одбрана биле разгледани конкретни мерки за зајакнување на безбедноста во Западен Балкан.

– За мене претставува особено задоволство што изразивме подготвеност да најдеме свој стратешки формат за дијалогот со овие земји, да зборуваме со нив, а не за нив, коментирал Кунасек.

Во виена денеска и утре се одржува и неформален состанок на министрите за надворешни работи на ЕУ, на кој се поканети и првите дипломати на земјите кандидати – Македонија, Србија, Црна Гора, Турција и Албанија.

– Европската унија нема да биде целосна се додека земјите од Западен Балкан не станат членки, рекла Могерини вчера.

Таа истакнала дека во интерес на Унијата е да ја остави вратата отворена и додала дека австриското претседателство со Советот на ЕУ ја поддржува политиката на Брисел кон Западен Балкан.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top