Мексико: Уапсени над 30 осомничени членови на нарко картели
Мексиканските безбедносни сили уапсија во Мексико Сити 31 лице поради сомнеж дека се поврзани со нарко картелите, а во акцијата се запленети 50 килограми синтетички дроги, повеќе од два тона марихуана и 20 килограми кокаин.
Владини претставници во земјата истакнале дека апсењата се извршени за време на рацијата спроведена во прикриени лаборатории за дрога и подземни тунели, кои нарко картелите ги користат за пренос на дрога во квартот Тепито, во центарот на Мексико Сити.
На снимките кои безбедносните сили ги објавиле на Твитер се забележуваат војници со целосна воена опрема, паркирани оклопни возила и блокирани крстосници во близина на местата каде што е извршена акцијата.
1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.