skip to Main Content

Голема победа на Мицотакис пред Ципрас според излезните анкети

Голема победа на Мицотакис пред Ципрас според излезните анкети
  • 07.07.2019

Една година по потпишувањето на Договорот од Преспа, Алексис Ципрас и неговата партија Сириза се на пат да ја загубат власта во Грција, покажуваат излезните анкети по денешните предвремени парламентарни избори.

Нова демократија прва, СИРИЗА втора, Движење на промена трета е резултатот од објавените exit polls, односно проценките за изборниот резултат од агенциите за рејтинг во Грција, во соработка со грчките телевизии.

Приватните телевизии Скај, Стар, Антена, Алфа, One и Open и државната ЕРТ објавија заеднички exit polls во соработка со агенциите „Pulse“, „MRB“, „MARC“„Metron analysis“ и „ALCO“.

Резултатите од 80% преброени exit polls за приватните телевизии се:

Нова демократија 38-42%

СИРИЗА 26,5-30,5%

Движење на промена 6-8%

Комунистичка партија на Грција 5-7%

МЕРА25 3-5%

Грчко решение 2,5-4,5 %

Златна зора 2,8-4,8%

Во однос на распоредот на пратеничките места, проценките на агенциите, според 80% од преброени exit polls се дека Нова демократија добива доволен број пратеници за еднопартиска влада. Поконткретно:

Нова демократија 155-467 пратеници

СИРИЗА 77-80 пратеници

Движење на промена 19-22 пратеници

Комунистичка партија на Грција 16-19 пратеници

Грчко решение 0-13 пратеници

Златна зора 0-13 пратеници МЕРА25 8-14 пратеници

Сепак, станува збор за проценки на агенциите за рејтинг, а не за официјални резултати.

Првите официјални резултати од Министерството за внатрешни работи на Грција, кое што е и надлежно за пребројување на гласовите, се очекуваат околу 21 часот по грчко време.

Ципрас, кој дојде на власт во 2015, ги распиша предвремените избори откако неговата партија претрпе тежок пораз на неодамнешните избори за Европскиот парламент.

Back To Top