skip to Main Content
ТОП ВЕСТИ
Денеска во 18 часот седница на ЦО на СДСМ за кадровските промени
Последен ден од изборите во ЕУ, првичните резултати пред полноќ
Од среда започнува пријавувањето за социјална помош во центрите
Торонто влезе во големото НБА финале
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Борис Џонсон фаворит за наследник на Меј на премиерската функција

Борис Џонсон фаворит за наследник на Меј на премиерската функција
  • 17.05.2019

Поранешниот шеф на британската дипломатија и некогашен градоначалник на Лондон, Борис Џонсон е главен фаворит за наследник на Тереза Меј за местата лидер на Конзервативната партија и премиер на Велика Британија, покажува анкетата на јавното мислење на агенцијата „ЈуГов“ изработена за потребите на весникот „Тајмс“.

Според резултатите од истражувањето, дури 39 отсто од членовите на Конзервативната партија би сакале Џонсон да биде следен партиски лидер, а зад него е поранешниот британски министер за Брегзит, Доминик Раб со 13 проценти поддршка меѓу членството на конзервативците.

Џонсон вчера најави дека планира да се кандидира за наследник на премиерката Тереза Меј, по нејзиното повлекување од функцијата. – Се разбира, ќе се обидам, изјави Џонсон на бизнис собир во Манчестер, одговарајќи на прашањето дали ќе се кандидира за иден британски премиер.

Меј претходно соопшти дека ќе се повлече од премиерската функција откако „ќе биде обезбедена првата фаза од истапувањето“ на Велика Британија од ЕУ. Но, по најавата дека на почетокот на јуни ќе побара Долниот дом на британскиот Парламент одново да гласа за Договорот за Брегзит, што нејзината Влада го постигна со Брисел, Меј изјави дека ако пратениците и по четврти пат го одбијат документот, таа ќе се повлече од местото лидер на Конзервативната партија.

Повеќе министри во Кабинетот на Меј и истакнати пратеници од редовите на нејзината Конзервативна партија веќе почнаа неофицијална кампања за изборите за нов партиски лидер.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top