skip to Main Content
ТОП ВЕСТИ
Приведен Стевчо Јакимовски
Како градоначалник Јакимовски легализирал објекти на државата и ги продавал по пет евра квадрат!
Бошковиќ: Договорот меѓу Северна Македонија и Грција доказ дека постојат храбри луѓе во регионот
Венецијанската комисија даде позитивно мислење за Законот за Судскиот совет
Нови авиолинии од Скопје до Баден и Бремен
Славчо Попоски: Следува краткотрајна нестабилност, дожд, грмежи и засилување на ветерот
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Автопат со ѕид кој го дели израелскиот од палестинскиот сообраќај

Автопат со ѕид кој го дели израелскиот од палестинскиот сообраќај
  • 11.01.2019

Израел отвори автопат во Западен Брег со ѕид на средината, кој треба да го одели израелскиот од палестинскиот сообраќај.

Тоа е прв таков автопат, кој е поделен со бетонски ѕид на кој има ограда од жица.

Израелското Министерство за сообраќај соопшти дека автопатот, кој вклучува безбедносни мерки е „решение и за израелското и за палестинското население“.

Патот ги поврзува еврејската населба Гева Бинјамин со северниот дел на Ерусалим. Квартот Француско брдо е наменет за израелски возила и Палестинци кои имаат дозвола за влез во Ерусалим.

Во Западен Брег има и други поделени патишта, но ниту еден нема бариера висока осум метри.

Отворањето на патот е критикуван од организациите за човекови права, Палестинската управа и Палестинската ослободителна организација (ПЛО).

– Ова е израелски пример на апархејд и расистичко одвојување какво што некогаш постоеше во Јужна Африка. Секој Израелец кој верува во демократија треба да се срами од новиот пат, истакна членот на Извршниот комитет на ПЛО, Ахмед Маждалани.

Претставници на Палестинската управа и организациите за заштита на човекови права наведоа дека патот ја истакнува дискриминацијата кон Палестинците.

Според израелски претставници рутата е наменета за олеснување на застојот во сообраќајот на контролниот пункт на влезот во северен Ерусалим и да ја зајакне врската помеѓу еврејските населби и градот.

Според израелскиот министер за јавна безбедност Гилад Ердан патот е „пример на способноста да се создаде поделен живот помеѓу двата народи“, а да се води сметка за безбедносните предизвици.

Патот почна да се гради во 2005 година, но подолг период беше недовршен.

Израел го освои источен Ерусалим и Западен Брег во војната во 1967 година. Палестинците на тие територии планираат да формираат своја независна држава.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top