skip to Main Content

Трагедија: На ден пред новата сезона почина директорот на Ф1

Трагедија: На ден пред новата сезона почина директорот на Ф1
  • 14.03.2019

Чарли Вајтинг, шефот на Формула 1 во рамките на Меѓународната автомобилистичка федерација и еден од највлијателните луѓе во спортот, ненадејно почина на 66 години. Тој претрпил белодробна емболија утрово во Мелбурн, каде што утре стартува новата сезона во Формула 1.

Вајтинг беше директор на Ф-1 трките и ги надгледуваше сите правила поврзани со спортот.

„Тој беше човек кој со својата посветеност направи многу за нашиот спорт, тој беше негов столб. Чарли е легендарна фигура, кој придонесе толку многу“, изјави актуелниот светски првак Луис Хамилтон.

Вајтинг влегол во Формула 1 во 1977 и откако освои две шампионски титули како дел од тимот на Бребем, ѝ се придружи на Меѓународната автомобилистичка федерација во 1988 година, прво како технички директор. Меѓу другите задолженија, тој беше одговорен за стартот на сите Ф-1 трки и за нивна безбедност.

Back To Top