skip to Main Content

Индијан Велс: Федерер и Надал без проблеми до четвртфинале, познато првото полуфинале кај дамите

Индијан Велс: Федерер и Надал без проблеми до четвртфинале, познато првото полуфинале кај дамите
  • 14.03.2019

Битката за титулата на Индијан Велс продолжува за најголемите фаворити Роџер Федерер и Рафаел Надал.

Швајцарскиот ас Федерер рутински го совлада Британецот Кајл Едмунд со 6-1 и 6-4 за четвртфинална пресметка против Хуберт Хурказ, 67. тенисер на светот. Идентична победа со 2-0 во сетови славеше и Шпанецот Надал против Србинот Филип Крајиновиќ со 6-3, 6-4. Надал битка за место во полуфинале ќе води против Карен Качанов.

Останатите две четвртфинални пресметки се меѓу Монфилс-Тим и Раониќ-Кечмановиќ.

На женскиот дел од турнирот познати се првите полуфиналнистки на Индијан Велс.

Канаѓанката Андреску ја елиминираше фаворитката Мугуруза од Шпанија со 6-0 и 6-1 и си закажа полуфинална пресметка со шестата носителка Елена Свитолина. Украинката по пресврт со 2-1 во сетови ја победи Вондрусова од Чешка.

Втората полуфинална пресметка ќе биде позната по натпреварите меѓу Бенчиќ-Плишкова и В. Вилијамс-Кербер.

Back To Top