skip to Main Content

Џафери се сретна со албанскиот претседател Мета

Џафери се сретна со албанскиот претседател Мета
  • 12.05.2019

Претседателот на Собранието Талат Џафери денеска се сретна со претседателот  на Република Албанија, Илир Мета, кој претходно присуствуваше на свечената инаугурација на новиот претседател на Република Северна Македонија, Стево Пендаровски.

Како што соопшти собраниската прес-служба, на почетокот на средбата, Џафери му се заблагодарил на претседателот Мета, за присуството на оваа свечена седница, и, како што рекол, на овој голем ден за нашата земја, на кој се означува успехот на новоизбраниот претседател на Републиката,  Стево Пендаровски по изборниот процес завршен на 5 мај 2019 година, на кој тој е избран како петти претседател на земјата.

Претседателот Мета, се заблагодарил на поканата и изразил задоволство за успешно спроведените претседателски избори во Република Северна Македонија, а на новиот претседател на државата му посака успех во исполнувањето на неговата значајна должност.

Двајцата соговорници биле едногласни во однос на продолжувањето на одличните односи на сите нивоа и во иднина, и дека очекува заедно со Република Северна Македонија да добијат и конкретен датум за почеток за преговорите за членство во ЕУ во јуни оваа година.

Back To Top