skip to Main Content
ТОП ВЕСТИ
Германски печат: ЕУ земјите подготвени да ја прифатат само Северна Македонија
Расмусен: Земјите од ЕУ не можат да ѝ ја негираат на Македонија иднината што ја бара
Шекеринска: Земјава за една година направи скок од 23 места во однос на стабилноста
Новата амбасадорка на САД во земјава положи свечена заклетва
Сведок од УБК: До системот за прислушување се пристапуваше и надвор од МВР, од поранешниот Аеро клуб
Министерството за правда ги објави извештаите од надзорот во судовите за АКМИС системот
ОН: Светот до 2050 година ќе брои 9,7 милијарди луѓе
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Филипче: Македонија веќе нема одличен степен на имунизација

Филипче: Македонија веќе нема одличен степен на имунизација
  • 21.04.2018

Со години нашата земја имаше одличен  степен на имунизација, но за жал сега не е така, истакна денеска министерот за здравство, Венко Филипче на музичкиот хепенинг кај Школка во парк по повод Светската недела на имунизација.

Според него, постои голем ризик дел од болестите кои со години наназад се искоренети, да се вратат назад, односно да ги донесат патници од земјите каде што тие се присутни и да се заразат невакцинираните деца.

– Ќе промовираме кампањи да ја подигнеме свеста и на населението и на здравствените работници, за бенефитите од вакцинацијата, да воведеме нови вакцинации во календарот, а календарот да го осовремениме со заменување на старите со нови вакцини. Антивакциналните кампањи се докажаа дека не се вистинити. Имаме обврска да се вакцинираме самите и да ги вакцинираме нашите деца, истакна Филипче.

Во однос на епидемијата на морбили во Србија, министерот Филипче рече дека кај нас нема регистриран поголем број на случаи, но оти Министерството будно ја следи ситуацијата. Во фаза на формирање е и координативно тело за вакцинација коешто ќе ги следи состојбите и ќе работи на осовременување на календарот и на контролата на вакцинација за имунизација.

Во однос на трансплантацијата на органи во приватните болници, министерот рече дека се прави модел на јавно приватно партнерство и оти за време на процесот на трасплантација којшто ќе биде контролиран од Министерството за здравство, заедно ќе работат тимови од доктори од клиниките од државното здравство и странски лекари.

– Сакаме да ги искористиме капацитетите и инфраструктурите на приватните болници, нашите лекари да работат заедно со странски стручњаци кои ќе ја преземат експертизата, а во исто време станува збор за пациенти кои сега се упатуваат во странство и со тоа сакаме да го намалиме трошокот за лекување во странство, истакна Филипче.

Министерот најави дека во мај очекува да дојде претседателот на Меѓународната организација за трансплантаицја на органи, кој ќе ги пренесе искуствата како Македонија да биде дел од европската трансплантација.

Back To Top