skip to Main Content

Спасовски: Граѓаните да ги пријавуваат сите случаи на корупција

Спасовски: Граѓаните да ги пријавуваат сите случаи на корупција
  • 17.07.2019

Граѓаните да ги пријавуваат сите случаи на корупција за да можат истражните органи да преземат соодветни мерки за нејзино спречување и намалување, повика министерот за внатрешни работи, Оливер Спасовски, при денешната работна посета на Кочани.

Во врска со случајот „Рекет“ тој нагласи дека ресорното министерство постапува според насоките добиени од Јавното обвинителство за гонење организиран и сериозен криминал.

– МВР постапува по случајот, затоа што ако немавме соодветни информации ќе немаше ниту случај. Сакам да ја истакнам подготвеноста, лично моја и на колегите, максимално да ги вложиме сите расположиви капацитети, со цел да се расчисти, не само овој случај, туку и сите други каде има криминал и корупција. Затоа ги охрабрувам граѓаните, ако имаат каков било проблем во секој сегмент, што се однесува на криминал и корупција, отворено да го пријават, рече Спасовски.

Back To Top