skip to Main Content
ТОП ВЕСТИ
Атина бара исполнување на сите обврски од Договорот од Преспа
Пратеници бараат изборен модел со една изборна единица
Тимот на СЈО разрешен, предметите во рацете на Јовески
ВМРО-ДПМНЕ бара смена на Русковска – на шефовското место да седи професор

Славчо Попоски: Циклонот АЛЕН донесе мајски снег и во Македонија, следуваат минусни температури и мраз

Славчо Попоски: Циклонот АЛЕН донесе мајски снег и во Македонија, следуваат минусни температури и мраз
  • 07.05.2019

Циклонот АЛЕН во текот на ноќта поради драстичното заладување донесе мајски снег и тоа на повеќе планини низ Македонија и тоа особено во западните предели каде снежната граница се спушти и малку под 1500 метри надворска височина каде дојде и до формирање на нова покривка. Снег провејуваше исто така и на Попова Шапка каде ова утро температурата се спушти на -2 степени додекапак на највисоката точка од Шар Планина односно на Титов Врв истата се спушти дури до -8 степени. Снег се очекува да провејува и денес на повисоките места и на планините низ државава а ќе дува засилен ветер од северен и од северозападен правец кој особено Долж Повардарието и на југоисток локално ќе достигнува брзина од над 60 км/час додека пак максималните дневни температури ќе се искачат во интервалот само од 8 до 17 степени.

Особено студено утро ќе имаме утре кога минималните температури ќе се спуштат во интервалот од -3 до 5 степени додека на планинските места истите ќе се спуштат до околу -10 степени.

ПРЕДУПРЕДУВАЊЕ ДО ЗЕМЈОДЕЛЦИТЕ: Се предупредуваат земјоделците ЗАДОЛЖИТЕЛНО да ги заштитат своите земјоделски култури и посеви поради опасноста од премрзнување и тоа поради очекуваните многу ниски температури кој се невообичаени за овој дел од годината.

Подготви: Славчо Попоски

Back To Top