skip to Main Content

Се погласни се шпекулациите дека Груевски ја напуштил Унгарија

Се погласни се шпекулациите дека Груевски ја напуштил Унгарија
  • 18.11.2018

Во недостаток на официјални информации од македонските, но и од унгарските власти, регионалните и европските медиуми продолжуваат со шпекулации за бегалецот Никола Груевски, поранешен македонски премиер, сега пратеник.

Бугарски и унгарски медиуми неофицијално објавија дека можеби Груевски не е повеќе во Унгарија и дека е во Русија или Турција, а други медиуми го споменуваат неофицијално и Азербејџан како можна дестинација.

Според уште непотврдени информации, Груевски ја напуштил Унгарија, изјавил висок неименуван претставник од ВМРО ДПМНЕ за бугарската агенција Фокус, пишуваат регионалните медиуми. Крајна дестинација за поранешниот премиер кој е во бегство, како се наведува се Русија или Турција.

Груевски, осуден на двегодишна затворска казна, на 11 ноември од Македонија, според официјални информации, избегал преку Албанија и Црна Гора со унгарско дипломатско возило. Почесниот претседател на ВМРО ДПМНЕ, на кој лани му се одземени приватниот и дипломатскиот пасош поради судски постапки, како што сам објави на Фејсбук избегал во Унгарија каде бара политички азил.

Back To Top