skip to Main Content
ТОП ВЕСТИ
Османи оптимист дека многу бргу ќе се најде решение за законот за ЈО
Заев: Секој предлог за законот за јавно обвинителство е вреден за внимание
ВМРО-ДПМНЕ достави предлог за законот за ЈО

СДСМ: Мицкоски во груевистички стил го бранеше криминалот на режимот

СДСМ: Мицкоски во груевистички стил го бранеше криминалот на режимот
  • 11.09.2019

Додека сите граѓани очекуваа договор во интерес на правната држава, Христијан Мицкоски на вчершаната лидерска средба безобразно и во груевистички стил го бранеше криминалот на режимот, барајќи сите предмети од СЈО да ја изгубат својата иднина, пишува во соопштението од СДСМ по неуспешната лидерска средба.

„Тимот на СДСМ предводен од претседателот Заев им понуди формирање нова обвинителска институција, која ќе гони висока корупција за сите нови случаи за да се гарантира правната држава, но нив тоа не ги интересираше, бидејќи бараа единствено бегство од законот за сите обвинети од нивната режимска структура. Предлогот беше прв човек на таа нова обвинителска институција да предлага опозицијата, но и тоа ВМРО-ДПМНЕ го одби“, велат од СДСМ.

Од владејачката партија уште додаваат дека „Груевски прво го избра Мицкоски со единствена задача до последен здив да го штити, сега од Будимпешта нарачува и подобен обвинител“.

„Мицкоски и ВМРО-ДПМНЕ ќе одговараат пред граѓаните за загрозување на правдата и за загрозување на европскиот пат на нашата земја“, се наведува во соопштението од СДСМ.

Back To Top