skip to Main Content
ТОП ВЕСТИ
Судењето за „27 април“ одложено за 31 јануари, Русковска информира дека во обвинението нема суштински измени
Сослушано обезбедувањето, блиски роднини на Груевски нема да сведочат
Нови рочишта за „Топлик“ и за убиството на Саздовски
Отровен воздух и привремени мерки: бесплатен превоз во ЈСП, за два дена продолжен зимски распуст и два дена скијање во Маврово за децата
Во Грција почнуваат парламентарните процедури за ратификација на Договорот од Преспа
Нимиц ја повика Грција да го ратификува Преспанскиот договор
Делегација на Собранието на зимската сесија на ПССЕ во Стразбур
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Ревизорските извештаи разоткриваат малверзации во трошењето на народните пари – тема на „Уреднички брифинг“

Ревизорските извештаи разоткриваат малверзации во трошењето на народните пари – тема на „Уреднички брифинг“
  • 06.06.2018

Ревизорските извештаи се главниот извор на податоци за тоа како се трошат парите на граѓаните од буџетот. Последните два беа за финансиското работење на Министерството за правда за 2016 и за Министерството за култура за подолг период.

-Државната ревизија има за цел да ги заштити државните средства и затоа секој менаџер поставен од надлежните органи треба да води грижа за законско и наменско користење на средствата, вели Максим Ацевски, помошник главен државен ревизор.

Според Слаѓана Тасева од „Транспаренси Интернешнал Македонија“, ревизорските извештаи најчесто остануваат објавени само на веб страницата на институцијата, па треба да се направи нешто повеќе за граѓаните да бидат позаинтересирани да ги читаат.

-Според меѓународни извештаи, стотици милиони се изнесени од Р. Македонија во непознат правец затоа што не постои соодветна контрола на трошењето на јавните пари, вели Тасева, но, додава, институциите треба да ги анализираат и да постапуваат по наодите на ревизорите.

Според Ацевски, да не си ја вршеа работата ревизорите, ситуацијата ќе беше уште полоша. Годинава институциите веќе во неколку наврати постапиле по ревизорски извештаи и побарале податоци од ревизорите, што покажува дека работите се придвижиле. Во последните извештаи ревидирана е работата на институциите во 2016 година, но со последниот извештај за 2017 кој ќе биде објавен деновиве, се гледаат првични знаци на подобрување на состојбите

Едни од најпознатите случаи произлезени од овие извештаи се „Бачило“ и „Национална платежна картичка“, кои поранешниот состав на Антикорупциска ги открил токму од ревизорски документ.

-Таму имаше една реченица што мене како правник ми засмета и сакав да проверам. Заклучокот на ревизорот беше: „На ревизорот не му е јасно зошто Министерството за одбрана се согласило да плати отштета од 700.000 евра на основа на првостепена судска одлука“. Не поднеле жалба, веднаш по првостепена пресуда исплатено. Рековме дека ќе го прашаме Министерството зошто вака завршил случајот. Кога го испративме писмото до министерот за одбрана, за наше изненадување добивме одговор од премиерот, кој во време кога беше правен извештајот бил министер за одбрана, а тоа беше Бучковски, со тврдење дека таму е се во ред и дека нема што да гледаме“, раскажува Тасева за тоа како бил откриен случајот „Бачило“.

Таа и Ацевски се согласуваат дека граѓаните треба да бидат повеќе заинтересирани за ревизорските извештаи, но и дека медиумите се тие што треба да им ја приближат темата и да ги толкуваат податоците.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top