skip to Main Content
ТОП ВЕСТИ
Продолжува судењето за „Титаник“ на СЈО
Кандидатите за технички експерти на интервју во собраниската комисија за надзор на следењето комуникации
Димитров во Грац на дебата за Преспанскиот договор и евроинтергацијата
Павлопулос: Грција ја поддржува европерспективата на Северна Македонија, но потребно е да се исполнат предусловите
Неофит: Ќе направиме се за целосна радост на нашите македонски браќа
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ

Притвор од 30 дена за Тони Јакимовски и Стево Маџовски

Притвор од 30 дена за Тони Јакимовски и Стево Маџовски
  • 14.03.2019

Судот му одреди 30-дневен притвор на Тони Јакимовски, поранешниот шеф на кабинет на поранешниот прв човек на УБК Сашо Мијалков. Истата мерка му е одредена и на Стево Маџовски, исто така вработен во УБК. За третоосомничената Кристина Јосифовска, судијата донел одлука да ѝ биде одземен пасошот и да мора да се јавува во судот, а забрането ѝ е и да врши одредени работни обврски поврзани со кривичното дело.

-Постапувајќи по предлог на Јавното обвинителство за гонење организиран криминал и корупција за определување мерки за обезбедување присуство заради основано сомнение дека ја злоупотребиле службената положба и овластување, пред судија на претходна постапка при Основниот суд Скопје 1 – Скопје, денеска беа спроведени три лица . По прозинесување на лицата во однос на предлогот, судија на претходна постапка донесе решенија со кои го прифати предлогот и на Т.Ј. му определи мерка притвор во траење од 30 дена заради постоење на основите од член 165 ст.1 т. 1 и 2 од ЗКП, на С.М. му определи мерка притвор во траење од 30 дена заради постоење на основите од член 165 ст.1 т. 1, 2 и 3 од ЗКП и за К.Ј го прифати предлогот и определи мерки на претпазливост и тоа Одземање на патната исправа, Обврска за јавување во суд, Забрана за напуштање на живеалиштето и Забрана за вршење определени работни активности поврзани со кривичното дело, се вели во соопштението од судот.

Јакимовски, Маџовски и Јосифовска беа приведени под сомневање дека како вработени во УБК ги злоупотребиле службената положба и овластувањата и го оштетиле буџетот за 825.000 евра, односно во 172 наврати подигнале парични средства за кои поднесувале барања и признаници за износите. На крајот од годината ги уништувале „главните книги за евиденција“ без посебно одобрение од директорот на Управата и без записник, не оставајќи примерок од прегледите, извештаите и главната книга за евиденција.

Тони Јакимовски беше приведен попладнево, откако претходно беше на распит за случајот на СЈО „Таргет-Тврдина“.

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top