skip to Main Content
ТОП ВЕСТИ
Раскинувањето на Договорот за Казандол законито пресуди Управниот суд
На хирургија во Струга заболени девет здравствени работници од морбили
Прво писмо на Асанж по апсењето: Обиколен сум со убијци, не ми даваат да се бранам
Утре на Бихаќка и дебата за промена на кадри во извршната власт
ЗА СЛЕДЕЊЕ НА ПРОГРАМАТА ВО ЖИВО: WWW.LIVE.1TV.MK
ПРОСЛЕДЕТЕ ГИ СИТЕ ВИДЕО СОДРЖИНИ НА YouTube КАНАЛОТ НА 1ТВ
НАЦИОНАЛНАТА ТЕЛЕВИЗИЈА 1ТВ СИТЕ ГЛЕДАЧИ МОЖАТ ДА ЈА СЛЕДАТ НА КАБЕЛСКИТЕ ОПЕРАТОРИ: MAXTV; VIP; TELEKABEL; NEOTEL; ONE.VIP; TOTAL TV

Предистражна постапка и за снимката и за содржината – ДУИ бара ветинг за сите, а ВМРО ДПМНЕ е за метла

Предистражна постапка и за снимката и за содржината – ДУИ бара ветинг за сите, а ВМРО ДПМНЕ е за метла
  • 16.05.2019

Пратеникот Павле Богоевски денеска дал исказ пред надлежен јавен обвинител за двете дела, за нелегално прибавената аудио снимка и за нејзината содржина – потврдува шефот на скопското јавно обвинителство за 1ТВ. Обвинителството отворило предистражна постапка. За нелегално прибавената снимка се чека МВР да го открие идентитетот на лицето кое ги објавило снимките, а за содржината ќе бара доказен материјал кој во мометов го нема. И додека обвинителството истражува, не стивнуваат реакциите од опозицијата и јавноста. Опозициската ВМРО ДПМНЕ со метла пред Собранието побара Заев да го „смете“ пратеникот Павле Богоевски, иако премиерот нема ингеренции да чисти во законодавниот дом. Пратениците на ВМРО ДПМНЕ велат дека Богоевски признал кривично дело.

Спикерот Џафери на прашањата на новинарите одговори дека нема основ во Собранието да се поведе постапка, а пратеникот на ДУИ Артан Груби побара ветинг на сите пратеници и јавни функционери.

Од пратеничката група на владејачката партија за 1ТВ велат дека очекуваат надлежните институции да го разрешат случајот и додаваат дека законите важат за сите.

„Ако прашувате за моралните аспекти, тие се на личната совест на секој пратеник, како и на секој друг човек“ вели за 1ТВ координаторот на пратеничката група на СДСМ, Јован Митрески.

Либерал демократите пак најавија предлог закон за легализација на марихуаната, измени во легислативата за кои долго се зборува.

Скандалот со аудио снимката на Богоевски доаѓа во време кога повторно се актуелизира одземањето на мандатот на бегалецот Груевски, а токму Богоевски е претседател на надлежната собраниска комисија. Опозицијата најави дека ќе бара негово изземање и ќе бара во понеделник друг да заседава.

Кристина Атовска

1tv.mk: Преземањето на авторски содржини обајавени на оваа страница е дозволено само делумно (маx. до 30 насто од содржината) и со ставање хиперлинк до содржината којашто се цитира. Непридржувањето до ова правило ќе значи крадење на информациите и соодветно ќе се санкционира од страна на BMJ Мedia Group, согласно позитивните законски норми.

Back To Top