skip to Main Content

Потпретседателот на ДУИ Бејта добил закани по живот

Потпретседателот на ДУИ Бејта добил закани по живот
  • 28.10.2019

Потпретседателот на ДУИ и ексградоначалник на Гостивар, Невзат Бејта пријавил во гостиварската полиција дека добил закани по живот.

Од МВР за Плусинфо ја потврдија информацијата. Бејта пак, не сакаше да зборува за настанот и не упати информација да бараме од полицијата.

– Пријавена е закана врз ексградоначалникот на Гостивар Невзат Бејта од друго лице од Гостивар. Се работи на случајот – ни изјавија од полиција.

Од таму, како што велат, во интерес на истрагата не откриваат детали кој е заканувачот и зошто му се заканувал на Бејта.

Бејта е потпретседател на ДУИ и во два мандата поранешен градоначалник на Гостивар.

ДУИ викендов избираше претседател на гостиварскиот огранок. По неколку мандати Бејта повеќе не е прв човек на гостиварскиот огранок, бидејќи за претседател е избран Башким Хасани.

Медиуми на албански јазик, неофицијално заканите врз Бејта ги поврзуваат со изборот на новиот претседател на гостиварскиот огранок.

Back To Top